Press "Enter" to skip to content

Nihin November 5, Kahdohnak Ah Ralhrang Hliamtuar Le Thih An Tam Taktak

Dawei Pyauhkyar Phu Nih Bomb Puah In SAC Ralhrang 7 An Thih Pinah Ralhrang 10 Nih Hliam An Tuar. Dawei Pyauhkyar phu (DGRF) nih SAC ralhrangbu nih an rak i citmi motor cu bomb in an puah hna caah ralhrang 7 an thih pinah ralhrang 10 nih hliam an tuar tiah DGRF nih Nov-4 ah khan cathanh an chuah.

DGRF phu hna nih Dawei peng MyiKhaHti (ေျမးခေႏၲး) khua ah umnak riahbuk an tuah hna i, SAC ralhrangbu hna nih an rak i citmi motor cu Nov-3 ah khan bomb puah in an rak kah hna.

Cu kahdohnak an tuah nakin SAC ralhrang 7 an thih pinah ralhrang 10 nak tam nih hliam an tuar hna i, nihin zaanlei sangah an thazaang chap in a rak kai thanmi ralhrang 37 hna cu GDRF tatkhue-1 phu nih an rak kah than hna tiah theih asi.

Hi kahdohnak ahhin DGRF leikap in hliamtuarmi kan um hna lo i, SAC ralhrang leikap i a thimi le hliamtuarmi hna zong hi fehter khawh a si rih lo tiah DGRF nih an langhter.

Atu ahcun DGRF ralkap hna zong himnak hmunah kan phan cang hna i, atu bantukin thil a cangmi kong he pehtlai in khuami hna he pehtlaihnak a um lo tiah DGRF nih nizan Nov-4 ah khan cathanh an chuah.

Be First to Comment

Leave a Reply

Your email address will not be published.