Press "Enter" to skip to content

Nihin Rangoon kan boruak ka hmuhning… Lam dang maw asiloah Federal ralkap hi biatak te in nam a hau cang ko rua tiah ruah bu in…(By, Dr.Sui Hingz)

Nihin Rangoon kan boruak ka hmuhning…

Nihin cu Rangoon khua chung ka culh. Zing 8 hlan deuh ah kaa thawh i KBZ bank head office hmai cu phaisa chuah ding ah a tlarmi minung farlong pakhat hrawng an si. Hledan hi Tapiah sakan 1, 2, 3 in a um i chun lai 12 ah lam fate ah meithaal voi 3 an puah i an i thenthek dih. Township tampi ka culh, Kamayut, Sanchaung (Minigone), Bahan, Ahlon, Mingalar Taung Nyunt, Botataung, Tamwe, Dagon, Yankin, Taketah, Dawbon, Than Lynn (Syriam), Kyauktan tibantuk township tampi ka phan i zaanlei 4:30 pm tiang ka cul nain kan hnu thla bantuk le kan hnu zarhkhat-hnih bantuk a si ti lo. A dai ngai te. Ralkap nih martial law a chuah hnu le lamzawh pawl a khah le a then hna hnu cun lamzawh in duhlonak langhternak mipi thazaang a zor ngaite.
Lam a phunphun in an khamnak tete cu a tam ngai nain cawlcaanghnak a tlawm pin ah mi an i buh ahcun Ralkap nih kah le puah in an thenthek colh hna caah chikkhatte ah an i thenthek pah dih.

Rangoon khuachung a cawlcaanghmi mawtaw pawl an um pah i chunnitlak ka mawnghnak ah an ka kah sual lai ti hmanh hi phan awk a um lo tluk in umkal an tam i palek le ralkap zong hi an i thup pah dih.

CDM thil sining le umtuning theih ah khuaza ka vah pah in cozah zung pawl ka hei chawnh hna, DICA zung ka chawnh i kampani le investment pehtlai in herhbaunak ah ka ti i zung an rak kai, zeibantuk paoh a ngah dih an ti, appointment kan in pek colh lai rak ra ti a si ko. Cu ve ban, Ministry of Commerce (Si-ku) zung ka chawnh import le export license sawk ding ka ti. Hlan ah tun(import)belmi thil pawl a bik in eiding le a dang dang cu license a hau ti lo an ti. A haumi tlawpal zong Online in sawk khawh colh a si na duh ah kan in bawmh lai rak ra an ti. Customs le SAD ka chawnh hna ramdang in container phan ding a um ka ti i 3 pm tiang kan on ko an ka ti. IRD- LTO zung phone ka chawnh tax assessment tuah ka duh ka ti i Pansodan zung hnulei in rak luh an ti. Labour zung ka chawnh hna kan zung staff pawl caah temporary zung kar kan duh i hlawh pek lo in thla 3 khar kan duh caah ruahnak hal ka duh tiah ka heh ti sawhsawh i rak ra law ruahnak kan in pek lai khoika myone zung ah rat na duh an ti. Chim duhmi cu a tawinak in CDM zong a thawng tuk ti lo (Rgn dir hmun). Lungdonhnak ah tialmi si lo in thil sining le tonmi a si.

Kan direction hi le
Kan dohmi ral hi
**Ralkap uknak thlak ding/dih dong tiang do ding le federal ram ser ding

Tulio ah kan dirhmun le kan hmuitinh hi zapi i khah dih a hau cang. Election kong, NLD kong, Vote fraud kong, democracy duhnak, hodah vote kan pek tibantuk pawl lamzawhtu cheuh khat an au len rih i kan direction hi zapi i khah a hau caan a cu. Direction- i khah hi teinak lam a si. Cun teinak lam i phun kip kan kawl a hau cang. Lam dang maw asiloah Federal ralkap hi biatak te in nam a hau cang ko rua tiah ruah bu in…

Crd: Dr. Sui Hingz

Be First to Comment

Leave a Reply

Your email address will not be published. Required fields are marked *