Press "Enter" to skip to content

Nihin SAC Ralhrang Le CDF Kahdohnak Ah Thi Le Hliam An Tam

Kanpetlet khua chung kahdohnak ah Council ralhraang pathum an thi i paruk hma faakpi an pu. November 28, 2021, Nihin chun hnu 1:30 le 2:40 kar, Kanpetlet khua chung ah CDF-Kanpetlet le Council ralhraang kar i kahnak faakpi a chuak i, ralhraang pathum an thi, paruk hma faakpi an pu tiah theih a si.

CDF-Kanpetlet ralkap pawl cu hliamhma a tong mi um lo tein hnulei kan kir kho than tiah CDF-Kanpetlet nih an thanh. Hmanthlak ca: Kanpetlet khua chung lamzawhnak hmanthlak hlun a si. Credit; The Hakha Post

Relchap; Myanmar ram ah Rohingya miphun hna miphun cihmih thahnawnnak he pehtlai in Min Aung Hlaing le ralhrang bawi rual tazacuaimi cu Argentina biaceihzung nih a cohlang cang i a rauh hlanah hlathlainak le biaceihnak kan tuah lai tiah an thanh cang.

Rohingya miphun hna thahnawnnak kongah Min Aung Hlaing le ralhrang bawi hna Argentina biaceihzung i taza kan cuai khawhmi hna hi tuanbia cahmai thar pakhat a si tiah Rohingyia Organization UK (BROUK) nih tuni ah cathanh an chuah colh.

Argentina ram Buenos Aires ah a ummi biaceihzung nih Myanmar ralhrangbu hotu Min Aung Hlaing le ralhrang bawi dang hna sualnak hna cu hlathlai i biaceih dingah Nov 26, 2021 ah a fehtermi a si.

Min Aung Hlaing le ralhrang bawi dang hna tazacuainak hi Rohingyia miphung kong tawlreltu BROUK nih November, 2019 ah khan Argentina biaceihzung ah an rak chuahpimi a si.

BROUK hotu U Tun Khin nih “Tuni hi Rohingyia miphun hna ca lawngah si loin hmunkip i namneh le sersat a tongmi mipi hna caah ruahchannak ni a si. Argentina ram biachahnak nih miphun cihmih thahnawnnak tuahtu hna caah i thuhnak hmun a um lo ti kha a langhter. Cu bantuk fihnung sualnak hna dohdalnak ah vawleipi hi fek tein a dir ko” tiah a chim.

Cu lawng si loin “Argentina biaceihnak nih hi tazacuainak a cohlanmi hi ralthatnak le tlukruannak ah lamhmuhsaktu an sinak an langhter i kaa lawm taktak. Myanmar ah kum tampi chung sersat le thah a tongmi Rohingyia miphun hna caah dinnak timi cu tawngh khawh in a um cang. Hihi Rohingyia miphun hna caah tuanvo laknak lawng si loin ralhrang nih ruru hranghrang in ukchihmi vialte hna ca zongah a si ve.

News Analysis | With Myanmar's military coup, the tightrope between  idealism and realpolitik returns for New Delhi - The Hindu

Cu hna chungah cun tukum February thla in nawlngeihnak lak hnuah nunnak a liammi, hliam a tuarmi, sersat a tongmi le ahohmanh nih theih lo/hmuh loin thahnawnmi hna rammi vialte zong an i tel” tiah BROUK hotu U Tun Khin nih cun a chim fawn.

Rakhine ramkulh ah a ummi Rohingyia miphun hna cungah Myanmar ralhrangbu nih kum tampi chung sersatnak an tuah cang. Kum 2017 ah Myanmar ralhrang hna nih tualchung ah a chia bikmi thahnawnnak an tuah i Rohingyia miphun sing 8 drawing Bangladesh ah an zam. Cu lawng si loin tlaihhrem, vuak, harem le thah a tongmi tampi an um.

Argentina biaceihzung cu International Criminal Court (ICC) he pehtlaihnak ngei in ralhrangbu hotu hna tazacuaimi kong zongah ruahnak an i cheu, an i bawm tiah theih a si. Ralhrangbu cu Rohingyia miphun thahnawnnak kongah Gambia ram nih International Court of Justice (ICJ) ah taza a cuai cang. Crd; The Chin Post

Be First to Comment

Leave a Reply

Your email address will not be published.