Press "Enter" to skip to content

Nikhat Chung Kahdohnak Ah Mipi Ralkap (13) Nunnak A Liam Ee, Minung Tam Tuk Ralkap Nih An Tlaih Chap Hna

Kawlram pumpi nikhat Chung kahdohnak ah ralhrang minung (81) an thi, Mipi ralkap (13) an thi , minung (18) tlaih an tong. Yangon, August 8- Kawlram pumpi August 7 nikhat Chung kahdohnak ah ca an thanhmi tete fonhin ralkap (81) an thi, mipi ralkap (13) an thi ve, mipi ralkap (18) an tlaih hna tiah mipi ralkap hna nih ca thanh an chuahmi in theih khawh a si.

Yangon Khit Thet Media ning in, nifatin ralkap thizat cazin an tarlangh mi hi mipi ralkap hna nih cathanh an chuahmi le an chimmi khawmhsuat mi an si caah ralkap hi mah zat an thi hrimhrim ko timi fehternak taktak hi a um rih lo. Source: Khit Thet Media

No description available.

မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၈၁ ဦးသေဆုံးပြီး ပြည်သူ့ရဲဘော် ၁၃ ဦးကျဆုံးကာ ၁၈ ဦးဖမ်းဆီးခံရ/ ရန်ကုန်၊ဩဂုတ် ၈/ မြန်မာနိုင်ငံတစ်ဝန်း ဩဂုတ်လ ၇ ရက်နေ့ ရရှိထားသော အချက်အလက် များ အရ စစ်ကောင်စီတပ်ဖွဲ့ဝင် ၈၁ ဦးသေဆုံးကြောင်း ပြည်သူ့ ကာကွယ် ရေးတပ် ဖွဲ့များ၏ ထုတ်ပြန်ချက်နှင့်ပြောဆိုချက်များအရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော်ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ် သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေ အပ် ပါသည်။

Thawngdang Relchap>>>><<<< Israel-Gaza: Kahdohnak Ngol dingin Kaphnih an Lung a Tling
===============================================
Nithum chung khat le khat an i kahtonh ruang i minung 43 tiang an thih hnu ah, kahdohnak ngol dingin Israel le Palestinian hriamtlai lungtlinnak min an thut, tiah theih a si.

Cu kan kaphnih karlak i remdaihnak um kho dingin lamkal rian a tuantu hi Egypt a si i, kahdohnak cu 23:30 local time in ngol a si cang lai, tiah Palestinian Islamic Jihad (PIJ) nih thawng a thanh. Kahdohnak ngolnak kong cu Israel PM Yair Lapid zong nih a fehter, tiah theih a si.

2021 May lio i ni 11 chung Gaza le Israel an rak i kah hnu in, tutan kahdohnak hi a fakbik pawl a si. Rockets in an kan kah hmasat caah Gaza i PIJ an hmunhma pawl vanlawng in a kan kah ve nak hi a si. Gaza in an kan kahmi rocket a cheu cu kan thlakpiak hna, tiin Israel ralkap nih an chim.

Cu hnu thokin cun kahdohnak an tuah ti lo hi theu lai, tiah kan ruah. Hi hriamtlai phu nih hin rockets in an kan kah caah Gaza Strip i an hmunhma pawl a tu bantukin kan kah ve hi a si, tiin Israel nih a chim. A tu bantuk i khat le khat an i ti thiamlo nak bik a ruang cu, kan hnung te ah khan West Bank ah PIJ chungtel pakhat Israel nih a tlaih caah a si, tiah theih a si.

Minung 43 a thimi lakah hin ngakchia 15 an i tel, tiah Sunday chunhnu ah khan Palestinian ngandamnak vuanthok zung nih a fehter. Palestinian minung an thah hnami kongah le minung 300 lenglo an hlemh hna ruangah Gaza ngandamnak vuanthok zung nih Israel hi sual a phawt ngaingai. Sunday zingka ah khan Gaza in an kahmi rockets pawl cu Jerusalem tiang an phan i, cucu ni kum May hnu ah avoikhatnak an phak a si, tiah theih a si.

Egypt nih ni khat chung can lakin an karlak remdaihnak cu a tuah. PIJ commander Khaled Mansour telhchih in, Rafah ah an thahmi hna an ruak cu Sunday ah khan an vui hna i, mipi cu a but bak in an i bu hna. Commander Mansour hi Israel kut in a thimi ralbawi lakah a nganbik pahnihnak a si, tiah theih a si. West Bank city, Nablus zongah Gaza tanh in duhlonak an langhter.

Kan sizung i kan i ngeihmi zinan hi hihnu nihnih te lawng a daih ding a si cang, tiin ngandamnak tuanvo ngeitu nih an chim. Cu tikah Gaza i minunghawi i zohkhenh rian hi tihnung dirhmun a phanh cang caah, a tu bantukin kahdohnak ngol dingin remdaihnak an tuah hi a si, tiah theih a si.

“Israel nih kan mipi cung i thatlonak an tuahmi donghter dingin a tu bantuk in Egypt nih thazang a chuahmi cungah kan i lawm hringhran,” tiin PIJ aiawh biachimtu Tareq Selmi nih a chim. Tutan kahdohnak ngol dingin lungtlinnak min kan thutmi hi an buar sual ah cun, fak taktak in lehrulhnak nawl kan i ngeih, tiah Israel nih a chim.

Gaza i a thimi a cheukhat hi anmah PIJ kut a si. Saturday i kanmah lei an kahmi an rocket pakhat cu Gaza cung lila ah a tla i, Jabalia i ngakchia tor le cheng in a thah hna, tiin Israel nih anmah tu sual a phawt hna. Cu ti an chimmi cu BBC nih fehternak a tuah kho rih lo. Tutan an buainak a ruangbik cu West Bank ah hmunhma a khuarmi PIJ lubik Bassem Saadi Monday zan i Israrel nih an tlaih ruangah a si, tiah theih a si.

Israeli Arabs le Palestinians nih Israel 17 le Ukraine 2 an thah hna hnu khan Israel nih misual pawl tlaihkhihnak fakpiin a kalpi. Kahdohnak a tuahu minung pahnih hna hi Jenin district in a rami an si. Cucaah misual a tlaihmi hna paoh cu Jenin ah thong a thlak beh hna, tiah theih a si.

Gaza i a ummi hriamtlai (tapung) vialte lakah PIJ hi a thawngbik pawl ah ai tel ve i, Iran nih a dirkamh ngaimi a si. Syria khualipi Damascus ah an headquarters a um, tiah theih a si. Rocket in le meithal in Israel a kap lengmang tu ah hin PIJ hi ai telmi a si.

2019 November ah khan Israel le PIJ karlah ni 5 chung kahdohnak a tlung i, cu ah cun PIJ commander cu Israel nih an thah. Cu lio ah cun Palestinian lei in minung 34 an thi, 111 hma an pu. Israel lei in 63 sizung an phan. Tutan i kan thahmi minung 25 hi rockets in a kah an kan timh lio cuahmah ah kan thatmi an si. Hriamtlai an si, tiin Israel nih a chim. Cred: GRCM

Be First to Comment

Leave a Reply

Your email address will not be published.