Press "Enter" to skip to content

Nithum A Rauh hnu ah Lihninh Ruang i Inn Cim Lak in Kum (2) Nute An Chanh Khawh Than (+Video)

Turkey : Linhninh ruang ah Izmir khua inn cim lak ah a tang mi kum 2 hngakchia nute Ayda cu lihninh hnu suimilam 91 a rauh hnu ah an chanhchuah khawh than tiah theih a si. October 30,suimilam 11:50 GMT hrawng ah Samos tikulh nichuah lei in 7.0 magnitude tluk a thawngmi li ai hnin i minung 100 renglo an thi i minung 1000 renglo hliam an tuar tiah theih a rak si .

A hleice in Izmir khua nih hin a tuar khun i inn 17 bak a cim.Lihninh hnu ah a rak i peh mi aftershocks zong voi 1508 hrawng a chuak than ti a si i Aftershocks voi 44 nak cu 4.0 magnitude tluk thahawngmi a si tiah an chim .

Red cross, ralkap le NGO thenkhat pawl nih cun inn cim lak ah a thimi le a tlaumi pawl cu an hawl hna nak ah kum 2 nute Ayda hi an hmuh nak a si .โ€A au aw kan theih i na kan hmuhkhawh ah cun na kut van cawlter kan ti i kan chim bantuk te cun a van tuah i ka tha ko tiah a ka ti โ€ tiah Red Cross i riantuan tu mi pakhat nih cun a chim.

โ€œKan hmuh ah cun pakan tawlnak dishwasher pawng ah a rak um i khuaruah har a simi cu zeihmanh hliam zong a tuar lo i kan zumhnak ah cun Disheasher nih hin a rak himter mi a si tiah kan zumh โ€ tiah Red Cross hotu pa nih cun a chim.

Hi hngakchia nute hi a nu nih lihnih ruang i inn cim ruang ah a thihtaak i a pa cu lihninh lio ah hin a um ve lo .Ayda an chanh khawh ruang ah cun riantuan tu pawl le mikawl tu pawl cu an i lomh tuk ah mitthli he an au chih ti a si .Izmir khua ah hin inn 17 hrawng a cim i culak ah riantuan tu pawl nih inn 5 lawng an buaipi khawh rih i an kawl khawh rih tiah theih a si .

More from THEIHTLEIMore posts in THEIHTLEI »

Be First to Comment

Leave a Reply

Your email address will not be published. Required fields are marked *