Press "Enter" to skip to content

Nizaan Kawlram minung 9 an nunnak a liam apoi tuk hringhran ai e

Nizaan Kawlram sandah piahnak ah a tu tiang ah minung 9 an nunnak a liam cang. Nihin March 3,2021 ni cu Kawlram pi caah mitthli tlak ni ah a cang hoi ko. nizaan March 3,2021 ni ah palik le ralkap pawl cawlcanghnak cu a linsa taktak hoi ko. Kawlram pi cu mitthli nih a khuh dih manh ko cang.

March 3,2021 ni ah Mongywa khuapi ah ralkap uknak duh lonak sandah piah tu mipi hna cu palik le ralkap nih mitthli tlaknak bomb in an kah hna. Mipi an i thek hna. An tli an zam hna. Cu lio ahcun palik le ralkap nih meithal in an kah hna i minung 6 an nunnak a liam pinah minung 8 hliam an tuar. Minung 8 chung ahhin minung pahnih cu fak ngai in hliam an tuar tiah theih a si.

Cun, nihin March 3,2021 thiam ah Mandalay khuapi ah mipi nih ralkap uknak duh lonak lam an zawh hna lio ah palik le ralkap nih mipi cu mitthli tlaknak bomb in an kah hna. Mipi sandah piah tu an tli an zam hna. Cu lio ahcun palik le ralkap nih mipi cu palik le ralkap nih meithal in an kah hna i minung 3 an nunnak a liam. Minung tampi hliam an tuar. Tuzan lei tiang ah Kawlram chung ah theih khawh rih mi ahcun minung 9 an nunnak a liam cang.

Be First to Comment

Leave a Reply

Your email address will not be published. Required fields are marked *