Press "Enter" to skip to content

Nizaan zinglei sml 6 hrawng ah CDF Kanpalet nih Ralhrang an kah Hna kan kahdoh hna lio ah kan kuan a dih caah hnu kan tolh ralkap lei thi le liamtuar an um

Kanpetlet Peng, Kyatwee Ah Kahdohnak A Chuak i, SAC ralkap 1 a Thi. Chin ramkulh, Kanpalet peng, Kyatwee (ကျင်ဒွေး) khua ah umhmun a khuarmi SAC ralkap le SAC kuttang um, Phyosawhti hna cu, nizaan August 12 zinglei sml 6 hrawng ah CDF Kanpalet nih an kahdoh hna, tiah theih a si. Cu kahdohnak ah cun, SAC ralkap 1 a thi i, hliamtuarmi zong an um, tiah CDF Kanpalet in tuanvo ngeitu pakhat nih a chim. CDF Kanpalet nih kan kahdoh hna lio ah kan kuan a dih caah hnu kan tolh kho, tiah a chim chap. The Chin Post

Rakhine ramkulh, Yathetaung (ရသေ့တောင်) peng, Chingkhali le Donepaih(ချိန်ခါလီနှင့် ဒုံးပိတ်) khua karah nihin August 13 zing sml 8:00 hrawng ah SAC ralkap le Arakan Army(AA) kahdohnak a chuak. Cu kahdohnak ah cun AA nih SAC ralkap 4 nak tlawm lo an thah hna i, hriamnam tam ngai an chuh hna, tiah theih a si. “Kahdohnak cu sml 2 chung hrawng a rau.

 

SAC ralkap cu 30 leng an si lai. Cu chung ah SAC ralkap 4 an thi i, hliamhma pumi an tam. An hriamnam tam ngai kan chuh hna,” tiah AA nih an langhter. Cu kahdohnak ah cun tualchung mi, caw cawngtu pa pahnih cu hliam an pu i, an nunnak a liam, tiah Aung Saih khuami nu pakhat nih a chim. “Caw cawngtu pa pahnih cu SAC ralkap nih an kah thah hna. Cun, Kahdohnak a chuahnak hmun lei ah vanlawng pakhat a zuang,” tiah a chim chap.

Rakhine ram ah nifatin ti awk in SAC ralkap le AA karah kahdohnak a chuak, tiah August 11 i thawng fianternak tuah lio ah AA chimphuannak nawlngeitu Khine Tuh Kha nih a chim. A luancia July 19 ahkhan Maungtaw peng kahdohnak ah SAC ralkap 16 an rak thi i, ramri hngak palik 14 tlaih an rak tong. The Chin Post

Political Party hna nih ramdang bu pakhat khat asiloah ramdang mi pakhat khat he ton nan duh ahcun SAC kuttang Union Election Commission(UEC) sin ah a hlankan in tonnak nawl nan hal hmasa lai, tiah August 11 ah theihternak an tuah. SNLD party chungṭuan Sai Leik nih, “Atu bantuk in UEC nih ri a kan chiah piakmi hi ralkap cozah nih amah duh ning tein thil a tuah bantuk a si.

Upadi ri lonh in thil an tuah,” tiah lehrulhnak a tuah. Ram khat le ramkhat Ambassador ton ding kong siseh, ramkip pehtlaihnak ah siseh, Democracy kong ah siseh, khat le khat minung zawnruahnak lei kong tonnak zong ah siseh, political party nih cun tonnak nawl a ngeihmi a si, tiah a chim chap. Political party kong upadi section 407(c) le 408 ning in ramdang cozah, biaknak, bu le pumpak sin in hmuhmi phaisa hman khawh lonak ding upadi cu kan kilven ding a si.

 

Cucu political party nih an zulh lo ahcun hnon an si lai, tiah an langhter. 2020 ram pumpi thimnak a phi chuak ah Myanmar hrambunh embassy, ramkip bu(INGO) le ramchung um bu kip(CSO) hna an i thlak tuk caah atu bantuk in ram a buai hi a si, tiah UEC nih cun an langhter.

US House Speaker Nancy Pelosi nih Taiwan a tlawn ruang ah China nih biatak tein duhlo langhternak ah cawlcanghnak a tuah cuahmah lio ah Taiwan nih cun hi bantuk tuahsernak nih zeihmanh a kan kham kho lai lo, ramdang palai dang hna zong nih Taiwan cu rak tlawn cio ding in ramleng minister nih sawmnak a tuah, tiah theih a si.

US House Speaker a rak tlawn ruang ah China nih Taiwan thlerhkhonhnak caah raltuk cawnnak le Taiwan ramchung ah raltuknak vanlawng zuanternak a tuahmi nih hin Taiwan kan dirhmun cu zeitik hmanh ah a thlen lai lo, tiah Taiwan ramleng minister nih cun VOA ah a chim. British Parliament palai hna zong tukum donghlei ah Taiwan kal an i tim, tiah Guardian media nih a tarlangh.

Minority Leader of the United States in House of Representatives Kevin McCarthy zong nih November thimnak ah teinak ka hmuh ahcun House Speaker dirhmun in Taiwan ka tlawng ve lai, tiah a chim ve. Taiwan ramleng minister nih cun Taiwan dirkamh ding in a rak ra mi, mi zeipoh kan in don hna tiah a chim ve.

US House Speaker Nancy Pelosi cu a voikhatnak US Cozah sinnak cang bik in Taiwan a phan hmasa bik a si caah China nih duh lo langhternak ah raltuk cawnnak le Taiwan thlerhkhonhnak cu a tuahhnawh. The Chin Post

Be First to Comment

Leave a Reply

Your email address will not be published.