Press "Enter" to skip to content

Nizan Ah RFA le Dr. Sasa Biaruahnak Ah Dr. Sasa Nih A Chim Mi Cu A Mak Kho Taktak

Pa Vialte Nih Hriamnam I Tlaih A Herh Cang, Ralkap Thar Dirh A Hau
=======================================

Min Aung Hlaing hruaimi ralkap cu nikhat hnu nikhat an puarhrang chin lengmang. An kut in a thimi zong an karh chin lengmang. UN le ramdang dang nih ralrin an pek, hnukir an fial, an mawhchiat lengmang ko nain zeite ah a rel lo.

Khatlei ah cun a mawh lo, kum tampi chung an rak i timhmi le saduh an thah vemi a si tikah hnukir an i tim lai lo tiah zumh a um. UN SC ah dirkamhtu vompi pahnih aa ngeih fam cuteh…!

Asinain an ruahningin thil a kal lo tikah lungretheih le thinphan in chunni an tla, zankhua an dei ko lai. MAH a putar Tan Shwe lebang cu a thih zong maw a thih cang…!

Atu tiang thilumtuning zoh tikah pa a simi paoh nih cun hriamnam i tlaih a herh cang tiah ka ruah. CDM lawng nih a chei ti rua hna lai lo.

Nizan ah RFA le Dr. Sasa biaruahnak ka ngaih tikah atu i ka ruahmi he aa khat ngaimi bia Dr. Sasa nih a chim.

β€œR2P hi China le Russia ruangah hlawhtlin ding a har, asinain lam dang a um ko. Cucu kanmah tein kan i kilven khawhnak dingah hriamnam kan bawm u kan ti hna lai”.

Dr. Sasa bia nih a sawh duhmi cu ramleng in ralkap an rak luh lo zongah kanmah tein kan i kilveng lai, cuti i mah tein kan kilven khawhnak dingah hriamnam kan herh, cu hriamnam cu UN le ramdang ah kan hal lai, ti hi a si. Pa a simi paoh nih hriamnam kan i tlaih a herh cang tinak a si cu….!

Cuticun ralkap nih hriamnam in kan doh lai, kan tei lai i atu hi ralkap (army) pi hi kan hrawh dih lai. Major in a cunglei vialte thahmi an um lai, thih hlanlo thong thlakmi an um lai. A fawinak cun zeihmanh tuah kho loin kan chiah hna lai. Ralkap sawhsawh pawl cu ram caah tuan an duh rih a si ahcun tuanter ding, a duh lomi cu chuah thluamah ding.

Ram caah pum aa pemi mino an tam tuk. Cuticun zu (alchohol) aa cawh lomi tifim lawng bak a simi cozah a thar a dir lai, phunghrampi thar ser a si lai i ralkap thar (new army) dirh a si lai.

Note: Ka hmuhning le saduhthah….!

Be First to Comment

Leave a Reply

Your email address will not be published. Required fields are marked *