Nizan I Washington DC Ah A Phanmi Ralkap, National Guard Thong 15 Hna Hi Zeidah An Tuah Lai?
Nizan ahkhan Washington DC ah ralkap, National Guard thong ,.15 an phan ti a si. Nizan i Washington DC ah National Guard thong 15 an phanhnak a ruang kha Media ngan deuh pawl nih an chimning ahcun January 20 ah tuah dingmi President thar Joe Biden lakluhnak ni, President biakamnak ah buainak a chuak sual lai ti phan in a kilvengtu dingah thlahmi an si tiah an ti.]
Nain ruah awk a hung ummi pakhat cu kan hnulei a liamcia caan ahkhan Joe Biden Inauguration Committee pawl nih January 20 chun ah tuah dingmi President thar biakamnak hi Public ah tuah lo dingin thanhnak an rak tuah cang. Cun mipi zong a hohmanh chuak lo dingin theihternak an tuah fawn cang hna.
Cuti a si ko ah, public i tuah lo dingmi le mipi zong chuak lo dingin an ti ko mi ah zeiruangah ralkap (National Guard) thong 15 taitai nihhin humhimnak pek a herh? Kilven a herh? Cu hlan i President thar lakluhnak le biakamnak Anauguration ah, mipi a thongthong in an chuak lio hmanh ahkhan ralkap hi zat zat an au bal hna lo va si kaw, ruah ding cu a tam ngaingai. January 20 chun ahkhin thil zeimaw a cang ko lai tiah mipi an zumh cio mi a si.
Washington ah buainak an tuah lo hmanh ah State kip ah buainak cu a chuak ko lai ti cu zumh cio a si cang. Ralkap thong 15 bak Washington DC ah an hun phanh tthup hi cu thin a phudup ko tiah mit hmutu pawl nih an chim. Nang zeitindah na ruah ve? Nizan i Washington DC i ralkap thong 15 bak an phanhmi hi Biden Inauguration programme kilvengtu an si ko lai tiah maw na zumh? A si loah, an si lai lo, thil dang a um ruangah a si lai tiah dah na zumh? Comment in na hmuhning langhter ve te.
