Press "Enter" to skip to content

NLD Cozah Nih an tuah khawh Ngaingai Hnga maw? Ruahaawk Tlak Ngai Mi Biahalnak.

NLD nih an tuah khawh ngai ngai hnga maw? cucu Federal in kan kal lai i kan tlin ter lai an ti caah.
Ramkomh cozah kan ser lai a ti nan ti ve caah, Mi (1) cung ah Uknak, Biaceih nak, Upadi suai nak nawl vo le biachah nak nawl hi chiah ti lo ding in a ti khawh ngai ngai lai maw?

Daw Aung San Suh Kyi sin ah rampi suttung le surlu asi mi Aanaa (3) hi chiah ti lo ding in an ngamh in An au pi ngam tak tak lai maw timi ah le Pi Suh hi (Annasin) sinak in an khamh kho ngai ngai lai maw? cun Nuhrin covo le Genocide buar loin an i hlihphuah khawh ngai ngai lai maw?

2008 Phunghram pi remh (or) Hnawn dingle Phunghrampi a thar in Suai ding? tah an tuah kho lai maw?
Democracy Federal biafang kha Federal Democracy in thlen? Tlangcung mi duh mi Federal Democracy Phunghrampi le Pine hna Federal pek in Mah tein khuakhan Lairel nak tlin ter tak lai maw?

Tlangcung Hriam tlai phu vial te nih NCA ah senthuh? Reconciliation timi ( I remh ṭhan nak, lunghrin nak ngeih loin hnangam lungdeih tein i zumh ngam nak)? Ralkap he dawhrem tein khuasa in ram hruai ṭi na Rule Of Laws timi Upadi buan co nak le  Ralkap 25% in ṭhumh ding zong hi Tah?

Biaceih bawipa Tamada nih rian pek lomi le Police Aanaa pek ding le  Biaknak Zalonnak le Biaknak Tluk ruan nak le Media zalon nak le zalon tein chimhrel, ṭial khawh nak nawl le Firkhutnak le Eihmur nak um bak lo mi Cozah le minung hi tah aumter kho lai maw?

Ngunkhuai le Phaisa i phawt nak ah tlukruan cikceknak, Fimcawnnak le Ngandamnak ah tlukruannak, Ralkap zumhnak le bochan nak a hmuhco lai maw? Dinfel nak (Justice) nih Kanram culh dih ding ah zeitin?, cun Tlangcung mi hna zalon nak le Pine Aanaa a pe tak lai maw? Power sharing timi Bahu le Pine Aanaa tluh ruan nak le Tlangcung miphun hna Tamada pek cu teh a duh lai maw???
Pupa chinram vial te an kan pek ṭhan lai maw???
Ramri a remh ṭhan khawh lai maw???
Kawl miphun le tlangcung miphun hna karlak thleidan nak horkuang thuk pi hi teh a dam ter khawh lai maw???
Hranhram in vawlei hmun hma chut tawn tertu Pungsan (7) hi a hrawk tak tak lai maw???
Vawlei lawngkan Upadi asi mi Landlaw hi remh in a hnawn khawh tak tak lai maw????
Minung pakhat nih siseh, Mirum pa nih siseh, Bawitlang le Cozah lutlai hna nih siseh, Tuluk / Kawl vai pa nih siseh, kanram cia cia ah Ekah (50) / 300ac, 3000ac ngeih khawh nak upadi hi a hrawk tak tak lai maw???
Kan sunsak mi Ni sunlawi hna hi zungkhar ni ah serh in a sun sak duh ve lai maw?

Kawl Uhpuk Ni (Kawl Sabbath) an ulh i an upat bantuk in Zerhpi Ni le Chin mi Ni Sunglawi hna hi ulh ve in an upat ngai ngai hnga maw? Tlangcung mi party hna nih ramkhel le cozah sersiam nak ah i tel khawh ding mi lamthluan hi khuakhan Lairel piak teh a duh ngai ngai hnga maw? PR phung hi a tauh ngai ngai lai maw??

Kawlram Politics, Economic, Social, Education, Technology, Legalization le Environment, tbk ah zalon tein le donkhan tu um bak loin, i tel tum khawh nak a pek duh ngai ngai lai maw? Cozah rianṭuan nak le Reng kai nak ah kawl miphun le Tlangcung mi thleidan nak a zawr lai or a tlau lai tiah na zumh maw? Krifa le Buda bada thlei dan nak umloin reng kai asi cang lai tiah na chimh ngam lai maw, KEP TO?

Kanram, kan miphun, kan caholh, kan nunphung, kan zatlang nun, kan biak nak dam nak caah a ṭuan chuak lai aa hmaithlak lai tiah na zumh hnga maw? Kan covo vialte peh ṭhan in kan hmuh co dih lai tiah nan kan chimh kho hnga maw? Kalay-Kabaw, Gangaw-ṭhilin, Saw-cauhṭhu, tbk hlan chan kan ram vial te an kan pek ṭhan tak tak lai maw? Kaletwa ram hi teh AA le Rakhine hna kut in a veng kho ngai ngai hnga maw?

Crd: Saya Rung kaw

Be First to Comment

Leave a Reply

Your email address will not be published. Required fields are marked *