Press "Enter" to skip to content

NLD Hakha:Kan mino hna sin ah biacah.

Ram pakhat i hruainak ah Constitution cu aherh. Constitution timi cu uktu cozah nih rammi hna hruainak (uknak) ah hman mi Phunghrampi asi. Cu phunghrampi cu lonh in Cozah zong nih riantuan khawh cu arak silo. Asinain phunghrampi tang ah Act & Law aum ve. Act & Law timi cu phunghrampi tang ah a um mi phungphai asiloah zulhphung hna cu asi. Cupin ah ram tthancho nak aherh mi Economic policy,Education policy ti bantuk cozah nih aser mi policy tampi a um len rih. Cu policy hna cu Cozah atlai minih a ttha bik in suai thiam ahau. Ram tthanchonak Policy hna lak ah education policy hi ahram pi in hmuh asi rih lo. Atu tiang ah No Investment,No production state in Chinram cu hmuh asi. Hitin sinak in luat ding ah uktu cozah le ramkhel lei ttuanvo ngeitu hna nih i zuam ahau mi zong asi ve.

Chinram ah zeidang thilchuah umrih hmanh hlah seh apoi tuk rih lo. Ramtang thil chuak angei lomi ram zong a thagcho mi ram tampi an um ko,ram thancho nak ding ah Human resource ngeih khawh kanbsi,cun infrastiucture (Lan le Sul,Electric mei:Hmun le hma,tiban tuk)aza tawk in that khawh asiInfracstruture cu caan rau tuk loin ser siam khawh asi nain, Human Resource cu atthangcho hnga ding asi ve.

Ram hruainak policy nih education policy cu influence a tuah(a mersam) tawn. (Korea chak le tlang khibzoh ko. Ti le va:thing le ram aa khat mi thil cguak aa khat mi cu uknak policy aadan ruang ag kum 30 chung ah, thancho nak lei in Van le Vawlei ti bantuk in an i dang ko khi. )Cucaah, Uknak Policy atthat hnu ah Education policy nih cun avun zulh velai,cu hnu ah Human Resource timi, rian ttuan thiamtu minung (skilled workers)cu ram ah tampi chuahter khawh asi hna. Infrastructure a that hnu ah,ram chung ah aherh mi sehzung pipi ser khawh asi lai i,cutik ah a ttuantu ding skilled workers(rian thiam mi)cu tlamtling tein an rak um lai i, sehzung pi a rian ttuan micu ahma akal hnga ding mi asi,ramchung ah tangka tampi alut lai,sehzung zong nih production rate akai lai i ram cu a tthang cho lai.

Cu si loin,minung cu tam lengluang,hman awk tha lo lawngte si ahcun santlai asi lo. Cu bantuk in skilled person si ding ah kan mino hna cung ah a ngat mi asi. Cucaah,kan mino hna skill person si i zuam uh. Professional si i zuam uh. Tuchan cu compatible chan asi,a tthu sawh sawh micu hawi hnu nan khar kolai. Engineer le Sii Bawi lawngte si uh ka tilo. A rauh hlan ah,kan Chinram nih alam kip ah amah le zawn cio in,rianthiam mi skilled person aherh lai. Kanram sersiam ding ahmino tampi khua le ram nih kan in herh hna lai. Kei cu,cu field ah skill kasi,Resource person kasi tiah a chim ngam mi dir hmun si izuam uh. Nan van a ttha,tulio ah kan ramchung ah thiamnak phunphun,cawn khawhnak tampi a um cang. Kan mino hna,nan cawnnak kip ah credit siding i zuam uh. Confidence angei mi si i zuam uh. Cun fimnak nan kawl tik ah;

Pawngkam kha explore tuahleng mang ding
1. Pawngkam le nangmah na sining he nazoh chunh lai. Cu hnu lawng ah na dirhmun asiloah keimah hi zei dirhmun ah dah ka um,zeidah kasi ti na theih lai. Cutin na theih poh ah tthancho hram naa thawk. Cu hnu ah na baunak na theih lai i,na sersiam khawh lai.
2. I zohchunhnak kha na hrial lai. Fimnak kawl lio ah cun beggar(kut dawk)nun i cawn.

3.Thanchonak akey point cu izuam nak, teimak nak, thiltheih thiamnak (zwe,lunglah,wirihyah)kha an si.
4.Midang nih zeitin dah an ka hmuh tiin aa hngal kho mi cu,minih mifim timi cu asi. Nangmah tein kaa zaa ko tiah i ruat hlah. Ka Chambau rih tiah naa ruah chung poh cu na tthan cho ciahmah lio asi tikha philh hlah.
5. University timi cu fimsang cawnnak tiang lawng asi lo,nutling patling tiang phanh khawh nakding ah sersiamnak hmun asi kha philh hlah. Aherh mi tucu mah pumpak nih ilak thiam ahau, ilak khawh ahau. Ilak duh nak thinlung zong ngeih ahau ve.

6. Ram pakhat a thanchonak tah fung pakhat ah an chiah micu literate (cathiam tam) hi asi bantuk in,kan ramchung ah cathiam lawngte si ahcun thacho nak asi ve.
7. Naatinh mi thil pakhat atlin lo tik ah nalung dong colh hlah,aruang tu kawl khawh izuam.
8.Bu rianttuan nak ah hruaitu nasi lo zong ah,aki kiang pakhat te siding ah izuam. Hruaitu tha si ding ah hnuzul tha si zuam hmasa.
9. Kan mino hna ram nih bochan mi le herh mi si zuam. Cucu tu lio ah kan ram nih an herh cang.
Pu Tial Ling
*Tutan thimnak ah NLD (Pyituh) in aazuam ding asi.

Be First to Comment

Leave a Reply

Your email address will not be published. Required fields are marked *