Press "Enter" to skip to content

NLD Lawng Hi Miphun Kip Party Diktak Cu A Si, CNLD Ah Cun Chinmi Dihlak In Kan Lung Ai Rual Loh– Dr.Sasa

Dr. Sasa cu Chinram NLD palai hrang Central NLD nih a thim bantuk in, politics konglam a uar tuk pin ah biahal peng mi a si i, tutan zong ah online hmang in, biahal a si i biazong tampi a chim. Chin Party CNLD nautatnak a neih lo nak kong,CNLD hruaitu pawl a upat hna nak kong a chim hnu ah Myanmar cu Democracy ram a si bantuk in party a tlawm thluahmah lai i, US bantuk in, party pahnih lawng a um te lai timi kong zong a chim. Cu pin ah NLD cu miphun party diktak a si tiin a chim i i timhtuah mi hlawhtlin duh ah cun, rampi cozah tuah kho tu ding party ah um a hau tiah a ti.

Culong siloin, a biachim mi he pehtlai in Dr.Saasa nih cun “Ai fonhtonh mi cozah cu zeiruang ah dah a that lo tiah cun, bia holh long a tam i, tuah taktak mi a um kho loh Curuagah,kannih Chinmi pawl zong hi mahcu party cucu part tiah party dirh lengmang loin, rampi party dirhmun pakhat ah kan um ding mi cu Chin mipi hrang ah tha ding a si i, Myanmar rampi hrang zong ah thiltha a si. Cuti si loin miphun,khua le ramthen hngauhchan in party dirh lengmang ti bantuk a tha loh.

“CNLD zong hi Chin party kan hei ti sawhsawh ko,Chinmi kan zatein kan i tel tung lo. Kannih Mara zong CNLD ah kan i tel loh. Curuangah miphun party tiin party dirh a si nain, Chinmi zate telnak party a um hlei loh. NLD lawng hi miphun kip cawh umnak party um chun a si. NLD cu kum 30 bak a si cang i a rak cawlcangh lio ah hin, party dang zeihmanh a rak chuak bal loh. Tu dirhmun Myanmar ram chung ah party 90 renglo a um mi zong hi NLD cawlcangj nak ruangah a si. Curuangah party tenau pawl nih NLD doh lengmang loin lunglomh nak bia tu hi chim deuh ding a si.

Malaysia Ram Um Chin Ralzam Hna Caah Dr.Sasa Nih Malaysia Cozah Ton Than Lai — Chin Miphun Tlangau

“Rampi cozah a dirh kho mi party i kan um ka hau, zeiruang ah tiah cun, rampi ah cozah dirh kho mi party nih president a neih ding ban tuk in zei poh ah president i khua a khan ning in a kal ko lai. President i a thim mi CM le MP pawl zong President kal tlangin an i timh mi tuahpiak ding an si i, curuangah timhtuah mi tuah chuak duh ah cun President he hmunkhat ah tanti a hau. Keimah zong hi Chinram hmun tam pi ah Airport tuah duh mi ka si i khuami he long i ceihti in tuahkhawh ka si loh. Curuangah President tuan kho mi party ah ka tel hrimhrim ve a hau. Cuti cun, president sin ah ka chim khawh lai i rian ka tuan kho lai.

“Party dirh ti sawhsawh hi cu a har loh,kei zong nih ka dirh khawh tuk mi a si. Asinain,timhtuah mi tuah khawh taktak ding cu a herh bik mi a si i, cu timhtuah mi tuahkhawh taktak tung lo ah cun zeihmanh umzia a nei lo mi a si. Curuangah cun rampi i party dirh khawh lo ding mi tan lengmang i hngilh he ai khat. Chin mipi pawl hi i thang cang uh,than cho duh ah cun NLD cu vote bak ding a si ko.

“NLD ah chinmi kan zatein kan i tel i CNLD ah cun a cheukhat hrawng lawng an i tel. A ruhlangin ka chim a si ah cun, Hakha ,Thantlang le Falam ah CNLD an tam i thlanglei laitlang ahcun an tam loh. Curuangah miphun party taktak le hlawhtlinnak cu NLD a si. NLD party ah Chin MP kan tam asi ah cun, kan duh mi bia kan luh ter mi le kan i timh mi zong hi kan hlawhtling ko lai” tiah a ti. Credit : VAPUAL AUAW

Be First to Comment

Leave a Reply

Your email address will not be published. Required fields are marked *