Press "Enter" to skip to content

NLD Nih A Tlawm Bik 75% In Chiram ah Teinak an hmuh lai – Pu Jacob Thang

tutan Myanmar rampi thimnak ah Chin ramkulh huap in NLD nih a tlawm bik 75% in kan tei lai, tiah Chin ramkulh NLD chimnak nawlngei Pu Jacob Thang nih a chim. Tutiang thil a langhning ah Hakha peng ah hin cun NLD nih 100% in a tei lai tiah an zumh i, Thantlang peng belte hi anmah NLD zong an i fiang kho tuk lo.

Pu Jacob Thang nih, “Hakha peng ah hin cun 100% in teinak kan hmu lai tiah kan ruahdamh. Thantlang peng belte hi acheuchum hrawng cu kan zumh nain dikthlir in chim chung awk ah a har ngai,” tiah a chim. Cun, Chin ramkulh chung NLD a dirpitu mi tam bik hi kum 40 cung minung an si hna i, a pahnihnak a tam bik cu mino an si, tiah a langhter chap.

Myanmar rampi thimnak cu tutan zarh Zarhpi Ni (Nov. 8) ah tuah ding a si cang caah November 6, zaan sml. 12:00 thawk in zei bantuk ramkhel party hmanh nih sang/khuate/khuapi chung ah siseh, online zong in siseh vote thlak lemsoinak biachim/catar a ngah a ti lai lo.

November 6 thawk in vote thlak ni tiang hi Silent Day ti zong in auh a si i, November 6 zaan sml. 12:00 hlan hrimhrim ah ramkhel party kip nih lamkam ah an tunmi vote lemsoinak poster pawl fim dih ding in Union Election Commission nih nawl a chuah.

Be First to Comment

Leave a Reply

Your email address will not be published. Required fields are marked *