Press "Enter" to skip to content

NLD Nih An Bochan Mi Palai I An Hmanmi Dr. SaSa Cu Chinmi Caah A Rianttuan Ning Cu A Taru Kho Tak Tak

Dr.Sasa sinih Chinram le miphun caah kum 13 chung rian a tuan cang mi pawl cu Chinland Post Interview ah mipi sinah theihternak a tuah i, hmai lei can zong ah mah bantuk in rian ka ttuan rih lai tiah a chim. Dr.Sasa nih “Ka rian ttuan mi cu ka minun hawi duhdawt, zangfah, zawnruahnak ruangah hiti hin rian ka ttuan mi a si.

Cu caah kum 13 chung ka tuan cang i England ram bawi zong ka riantuannak ah an ka tel pi. Ka riantuan mi cu England ram bawi nih ka ngaihven piak ngai i, an nih cu vawlei chung huap in an upat ngai mi an si. Vawi 7 bak te kan i tong cang i ka riantuan mi an ka hal lengmang. Ramdang ah kum 10 reng lo siang ngakchia kan thlah cang.

“Chinram, Myanmar ram kan zoh ah cun fimcawnnak lei ah kan chanbau ngai caah serem ngai in ka zoh khawh lo caah ramdang ah siangkai ding mi ngakchia kan thlah. kum 10 chungah minung 104 cu ramdang ah siangkai kho dingin ka bawmh khawh.

Minung 104 lakin minung 10 nih ramdang ah vawlei cung nih a theihpimi sibawi sianginn ah a cawng dih i a lawmum ngai. A dang minung 7 nih ramdang ah engineer an cawng dih cang. An dihlak in mirang holh in an holh kho dih. Vawlei cung huap in riantyuan kho an si dih.

“Cu pinah mirang holh cu kan chin common holh a si te lai tiah zumhnak ka ngei. Zeica’h tiah, mirang holh kan theih i kan holh thiam lawngah vawlei cung i thil tlung mi kan thei khawh cang. Cu caah chin mino kan dih lak in mirang holh kan thiam ding hi a biapi tak tak.

“Hakha khawpi i lei a min zongah fangfak bag 2000 le i zohkhenhnak caah, sii tampi kan kuat. Cu pinah H1N1 zawtnak le covid 19 boruak ah Face Mask 95 cu ting 5 le thawng 20, Chin ramkulh chung ah sizung dihlak, Rakhine ramkulh chung i pituh sizung vialte, Kalaymyo pituh sizung , Mandalay pituh sizung ,Yangon , Naypidaw ,Pakkuku ah kan pek dih. Cu pin ah PPE thilri zong tuah 5000 kan phawt hna.

“Thlanglei laitlang le Rakhine ram cheukhat ah thla 6 sung, keimah tthit hruainak in le keimah tel in sizung umlonak, sibawi umlonak khua ah kan kal i damlo kan zohkhenh. Chinram chung i naupawi mi minung 90 renglo caah naupawi mi nih an herh mi sii cu thla 6 caah a lakin kan rak pe hna. Kum 13 sungah keimah tel in damlo ting 1 le thawng 20 tluk a lakin kan zohkhenh, an herh bau mi sii kan pe.

Tu zong ah Chinram chung dihlak caah ngandamnak, fimthiamnak le thanchonak caah riantuan thluahmah ka tim. Airport tampi kan herh i University zong dirh kho ding in kan zuam lai’ tiah a ti. Dr.Sasa cu Health and Hope dirh tu le Chinram chung NLD party teinak conak caah Central NLD nih lamkal i an hmanmi a si.

Be First to Comment

Leave a Reply

Your email address will not be published. Required fields are marked *