Press "Enter" to skip to content

NLD nih:Teinak a hmuh ah cun’Khrifa mi hna a kan zuar lai.

2020 Election ah Chinram ah NLD(Kawl party) nih teinak a hmuh hoi ahcun Khrihfa mi kan caah tih a nung kho.
Aruang cu, Chin NLD upa hna nih an bawi le mithmai an kawl nak ah miphun le biaknak an kan zuar te lai(Atu hmanh ah a kan zuar mi a tam tuk cang). Kumnga a kan hruainak vial hman ah hihi an si i an peh sual ah cun kan loh bak a si cang lai. Kawl nih an i tinh taktak mi cu Tlangcung mi hna kan nunphung kan ca/holh le biaknak hrawh hi a si. Cu vialte hna cu Chin NLD upa hna hmang in an hrawh ding mi a si.

Cucu hngal loin mipi nih heh tiah kan dirpi hna i thazaang tu kan pek hna. Kanmah nih Vote kan pek hna ruangah lahkhah a ei i a paw a puar ko mi hna khi an hmai ah kan hei kunpiak rih hna. A ngaingai ti ahcun anmah tu khi kan hmai ah a kun ding cu an si lehlam. Vote a kan pe lomi Khua cu bawmhnak kan in pe hna lai lo heiti hrawnghrang parathlei policy(CBT bia). Na miphun ah hmin ve cang law miphun dang bochannak lungput hi kaltak ve cang.

Chinmi hna kan lumg fim caan a cu cang. Kan hawi Kachin, Rakhian, Shian te hna cu an miphun bak ah an vote vialte an bungh dih cang hna. Cu ah kan nih Chin mi cu kanmah le kanmah kan i do salam rih. Tuzan thok in khua fak piin ruat cang hna usih.

A tang hi ai phun dang deuh mi asi:

A tulio cu kawlrampi ithim lainak a si caah a phunphun in rampi cozahnak a tlai cuahmah mi,NLD pawl nih cun a phunphun in cawlcanghnak an ngeih i hmalaknak dawhcahlo tiang in an cawlcangh cuahmah lio a si i mah an cawlcanghnak cu a thli in kan tuah an ti nain an itinhmi a thatlo caah an mual apho chin lengmang cang ti mi hi nichiar in hmuh le theih khawh in a lang chin lengmang.

17 Octobar2020 ah khan NLD thluak chuahnak in 2020 thimfung a tawlreltu hna min putter in UDP party cu an hrawh i tukum ithim kho lo dingin hmalaknak an ngei i mah an ngeih mi cu mipi theih ah an thanh cang kha kan rel dih lai tiah ka zumh,mah khakha a hrampi,mah hi kong i thimfung tlangtlatu hna sinah mah bantuk in UDP hrawhnak ding a chim reltu hna kha NLD hruaitu chungin an si i mah an itinh mi cu,UDP party hi an tthawn ngaingai caah a ttih hna i mah ruangah hloh kha an itinh mi a si caah a tu bantuk in an hrawhnak hna a ruang bik cu a si ko ti mi hi theih khawh mi a si.

NLD nih an itinh mi cu,UDP membar’s a si mi hna kha an party kan hrawh ahcun NLD hlei ahcun kalnak an ngei lai lo i kan mah sinah an ra lai i NLD cu kan tthawng than ko lai ti hi an itinh mi kha a si,sihmanhselaw a tu an dirhmun kan cuanh ahcun,NLD ah luh cu chim lo in an thn a huntuk caah USDP tu ah ni nikhat te ah,Mandalay khuapi paklawngah minung vote a ngei bak mi vote sing 2/ting 2 cu an luut tiah theih a si.

Mansalay lawng ah mah vialte nih USDP an fonh tikah,khuapi dangdang hna ah khan a tunak tam hi USDP le a dangdang party ah hin an lut ti hi theih khawh mi le zumh khawh mi cu a si i NLD nih an tuah mi cu,tthahnem ka tong paamchin ka tong tiah kan pupa hna nih a kan chimh tawn mi kha NLD cungah a tlung ti khi a si.

A hlei in,Chin NLD pawl ko kan caah a faak khun ko,a ruang cu,kan chungkhat le kan unau le kan khua mi hna MP ai cuhmi tete an um ca le mah pumpak zawnruahnak a um caah thih ngamh bak in ttan cio a si i,cantral i cozahnak an laak khawh lai lo caah hin kan nih Chin NLD kan caah cun ngaihchia taktak khi a si ko cang,mah nih a langhter chih mi cu,

Chin NLD,mah le miphun min dirpi ngamlo,duhlo in kawl party,Chin mi zalonnak a duh baklo mi tiah kan theih ko mi tangka tlawmpal a van peek mi le kan khua le kan tlang,kan chungkhat le kan sahlawh an i candidate ruang i kan dirpi mi hna ko caah hin a poi hringhran ko hih.
By:Tin Duh Thang.

Be First to Comment

Leave a Reply

Your email address will not be published. Required fields are marked *