Press "Enter" to skip to content

NLD ruang ah:Hakha ah nuva hna faktuk in an sii’Chun nitlak an i sii a poi taktak.

Hakha nikhua chiat lak ah NLD mino 300 leng nih Hakha khuapi cu sen cur in an chiah. CNLD patung no pakhat nih NLD mino an vahmi cu Veranda in an vun hmuh hna tik ah ai sum kho hrim lo. Kutka faak taktak in a tengh i innchung ah a lut diam. A kutka tengh thawng a than tuk caah rawl a ei liomi a nupi a thinhung ngai i mah ni chun kha CNLD patung no pa cu a nupi he chun nitlak khengte an i sii…., an ti.

Hakha khuachung NLD mino vah ruang ah an nupa karlak i siknak hi atu tiang a dai kho rih lo. A poi khunnak cu a nupi hi NLD a rak si diam
By:Laiminthang CC

Thawngpang dang asi a tang hi:

Dr. Sasa: Federal democracy ka duh ruangah NLD ah ka lut. Tulio Chin ramkulh NLD nih an i bochan bikmi le NLD nih biatak tein an hmanmi Dr. Sasa cu The Chinland Post nih bia an halnak ah tihin a chim.

“Kan kawl chung ahhin Democracy caah Suu Kyi tluk in a cawlcang mi an um lo. Nuam tein US ah a um kho ko. Nuam tein British zong ah a um kho ko. Sinain a rawk tuk cangmi kan ram remh a duh ruangah a tar tiang fak piin ai zuammi a si.

Cu raung ah NLD nih an duhmi hi federal democracy a si. Kawlram pumpi dihlak in tlangcung mi he Kawl miphun he kan i zuam i NLD ah kan dir i kan tan ahcun federal democracy hi kan ngah khawh ko lai.

Kan ram ah federal democracy a chuah khotu ding cu NLD lawng an si. Ho poh nih hraimtlai zong nih federal kan duh dih. Cucu NLD nih biatak tein ai zuam mi le ai tinh mi a si.

Kan ram kan miphun daihnak le thachonak ding caah NLD hi a biapi bik a si i daihnak a duhmi an si. Kahnak a duh mi an si lo. Federal democracy a duh mi le ai zuammi an si caah NLD ah ka ummi hi khuaruahhar ding a um lo. Ka um awk le ka tan awk a si ko.

Be First to Comment

Leave a Reply

Your email address will not be published. Required fields are marked *