Press "Enter" to skip to content

No Than Kap:Ca chuah mi’Falam mipi nih an thei pilo a buai ko cang.

Pu No Than Kap ih hmaisa bik a tumtahmi timi paper kha Falam CNLD ih theihpinak tel lo in midang ih suahmi a si ti’n sim.

Falam CNLD party ih khawsung mipi hnen ih ca an zemmi lak ah CNLD Pu No Than Kap hmaisabik a tumtahmi timi paper cu Falam CNLD ih theihpinak tel lo in bulpak ih rak suahmi a si tiah Falam peng CNLD mino committee hotu hnen in thuthang kan ngah.

Himi ca sungah Hakha le Falam huatawknak suahpi theitu ca tluan pawl tla a tel ih Falam CNLD khal in ca thawn simfiangnak an timtuah rero lai.

Falam CNLD mino hotu pakhat in “khami ca kha Falam CNLD khal ih tel lo mi pakhat in a mah bulpak ih a rak suahmi a si. A dang cahmai pawl cu Falam CNLD ih suahmi a si ko. Ca an nam rero lai ah khami ca kha a ra pe ih ca namtu khal in zoh lemlo in a rak nam cih ve. Cucu an zem hnu lawng ah kannih khal in kan thei ih zem nawn lo ding in kan dawn” tiah a sim.

Falam CNLD mino hotu pakhat a simi Salai David in “Himi ca hi amah Pu Than tla cun ziang hman a thei lo. Kan hmuh cu kan mang a bang thluh” tiah a sim.

Be First to Comment

Leave a Reply

Your email address will not be published. Required fields are marked *