Press "Enter" to skip to content

Nu A Si Cang Mi Poh Nih Cun Theih A Herh Taktak Mi Phun (12) Hi Lenh Tak Bak Hlah

1. Na pasal cu hnakruh tling lo in can saupi a rak um mi a si ruang ah nangmah nih a hnakruh a tlamtlin lo nak kha phurhpiak chih aw.Cucu ding cun Pathian nih an sermi na si khah philh hrimhrim hlah.

2. Na pasal cu pa- santlai lo te a si zong ah zahpi hrimhrim hlah nangmah nih a tlamtlin lo nak ah kilkawi khawh I zuam. Cuti na tuah a si ah cun nangmah thawng in na pasal kha minih an upat lai I, nangmah zong Nupi tha to na hlawh ve lai.

3. Na pasal cu zeitik hmanh ah na hnu ah um Ter hrimhrim hlah na hmai ah um Ter zungzal law, nangmah kha a phen ah um I zuam. Bawmtu tha si i zuam law a tuah mi kip ah thazang pek khawh I zuam peng.

4. Na pasal cu Chungkhar Pabik a si bantuk in, a thaba tawn, a thazang a Der kho mi a si i, a lungre theih nak le a bat nak zual tertu siloin, a tuarpi Tu si i zuam zungzal.

5. Na pasal cu Rian a tuan nak ah siseh, a hawi le sin a Len nak ah siseh va kawl lengmang tawn hlah. Cubak tuk cu ngeihsak mi a lo ngai nain, khatlei Kam cun, zumh lo zong a lo kho. Mi mithmuh nak ah na pasal na mualphoh zong a lo. Mi hmai i zai na hman le bang ah cun na pasal a Ning a Zak tuk lai.

6. Na pasal cu pasal tha siseh ti na duh a si ah cun, nangmah kha Nupi tha si i zuam hma sa ko. Na pasal cu raltei Tu ngunnam tha si ding in, nang kha nungnam a kawm tha si i zuam ve.

7. Na pasal cu chungkhar ah khuasak tintuk thiam seh ti na duh ah cun nangmah kha chungkhar thaten zoh I zuam ve.chungkhar a hnok mi hmun ah papawl hi um zong an zuam loh. A rimchia mi lak zong ah um an huam loh ti kha thei law nangmah kha felfai ten um I zuam ko.

8. Na pasal cu na nunnak a zapi te I an uktu a si nak kha theihter zungzal tawn.Chungkhar zong ah nangmah nak in a mah kha nawlnei tu a si nak kha theihter zungzal law nangmah kha neitu na si nak in teitu na si zungzal lai.

9. Na pasal cu midang he tahchunh lengmang hlah midang pa cu an rum, boruak an Tei kho, kei kapasal be hi a tiin a theih hlan ah chim citcet hlah. thawn tahthim citcet hlah. A herh lo tuk mi bia na chim ruang ah buainak a chuak kho i, a thin a Han hnu cun nangmah nih na tuar kho lai loh. Cubak in I phuhrung ngai in a um can zong ah pa dang nih an in tluk loh tiin a mah tukha thazang pek khawh I zuam lengmang. Zeitluk in a lungnuamh lai tiah I zuam law thil thatha an tuahpiak ko lai.

10. Na pasal he bia nan I el tik ah na bia in dongh Ter hlah. Na pasal nih a kut an thlak sual nak hnga lo ralrin Dan thiam I zuam. Na duh cun Ka vua to ban tuk na ti sual ah cun, mei a alh lai I na hmit kho ti lai loh.

11. Fa neih khawh hi, nutling tinak a si loh, saram zong nih fa cu an neih khawh ve ko. Faneih cu nu a si tinak long a si ko. A hnu ah ‘tling” Timi chiah khawh a si, cuti chiah piak na si ah cun na pasal caah nutling si i zuam.

12. Na pasal cu na dawt khawh Chung in dawt I zuam a herh mi vial te zong tuahpiak khawh peng I zuam ko. A thabat tuk ah arti silole pakhatkhat tuahpiak khawh peng I zuam. Nufim nih cun an pasal le caah Ar-ti pumthum an chumh piak hna a si ah cun, anmah caah pumhnih ei a si ko.

Be First to Comment

Leave a Reply

Your email address will not be published. Required fields are marked *