Press "Enter" to skip to content

Nu Fafa Nih : Bike A Fir Mi Nu Pahnih Cu An Fir Mi Bike An Zuar Lio Ah An Tleih Hna

Chin miphun lakah hin thangchia tuk le buai tuk nak ding tiangtiang in fir nak hi a um bal lem loh nain,Chin mipi umnak Myanmar ram ahcun nu a fir mi hi an tam chin lengmang cang ruang ah nu a si ko le tiin daithlan ngam a si ti loh. Tukum chung ah hin kawlnu a fir mi an tleih mi hna an tam ngai cang ti a si.

October 7 ni zong ah khan Nayphidaw , Pyimana khuapi ah nu a fir mi pahnih cu an fir mi bike an zuar cuahmah lio ah palik nih an tleih hna. Cuti nu pahnih nih bike an fir mi an zuar cuahmah lio i palik nih an va hmuh tik hna ah cun, palik nih an lung a hring i bia an hal hna hnu ah biatha ten an chim khawh lo ruang ah an tleih hna i biahman chim ding in an hal than hna.Bia an hal than hna tik ah cun an i pheh kho ti loh i a hnu ah cun lampawng i an chiah mi bike an fir nak kong cu an van i phang than dih.

Bike a fir mi nu pahnih cu,Lwin Lwin Ma ( kum 32 ) le Te Te Toe ( kum 20 ) minung an si i an fir mi bike cu canda -110 a si. Bike an fir mi he palik nih an tleih hnu hna ah mifir case an siampiak hna i thawng inn ah an khumh colh hna. Nu zong hi a fir mi an tam tuk cang caah nu a si ko le tiin zohliam men ding an rak si loh. Mithar an si ah cun hawiher le an umdan zohthiam ding an si. Credit : VAPUAL AUAW

Be First to Comment

Leave a Reply

Your email address will not be published. Required fields are marked *