Press "Enter" to skip to content

Nu Pakhat Cu A Kut An Tan Hnu Ah A Pum Cung Sui A lak Piak Dihtu Hna Pa 2 Cu Tlaih An Tong>>>>>>

Fala An That Ih A Kut An Tansak Hnuah Sui Thilri Laksaktu Misual Pahnih An Kai Ngah
======================================

Irrawaddy ramthen Pathein District Kyaung Gone myone Kaing Ta khua kiangte ah fala pakhat Mah Khaing Moe ( kum 25 ) cu July 7 zan ah lamzin sir ah thah a si ih a kut an tansak thluh tlunah a sui thilri ,sumpai le bike khal an laksak thluh.

Thilthleng thawn pehpar aw in fala thattu misual pawl cu nasa zetin kiangkap hawl cih an si ih fala bike an rukmi hmangin July 9 ,tuizing zinglam nazi 6am ah kaih ngah an si. Anmah cu tuitum ram buainak ah khawilam khal ih tel lo,mahte sual ih rak sual thilruk ding hawl ih tawivak hrimhrim an si.

Kan ram buainak ah khawilam khawilam khal ttang cuang silo misual tawivak an tam deuheuh. Thil an ruk phah in mi an that vivo ih ,ram sung ah rukru misual le suamhmang an tam tuk thlang. Fala thattu pahnih an kaihmi cu Sai Htet Aung ( kum 18 ) le Htan Lin Naing ( kum 19 ) an si. Mipi cun fala thattu misual pahnih cu an phutawk hremnak pe tengteng dingin an duh. Tu ahcun palik kutah an um zo.

Mon tlawng sayamah Mon ramkulh Kyaikmaraw khawpi khalah tlawng sayamah pakhat Thazin Oo cu July 8 zan ah a hlo ih July 9 zing ahcun Kyaikmaraw khawpi lan sapegu lilawnpi hnuaiah a ruang an hmu. A bike an lon hnuah an that ih a thilri pawl an laksak. Tu ahcun a ruang thi ciar lawng tiva sir ah an hmu ih amah thattu le a bike laksaktu misual pawl cu kaih an si hrih lo. Ralkap uknak hnuaiah kan ram a se deuhdeuh ih zan sim hnu ahcun vahsuak lo lawlaw a tha.

Crd: Vapual Auaw

Be First to Comment

Leave a Reply

Your email address will not be published.