Press "Enter" to skip to content

Nuhrin Covo Buarnak Ah Ttuanvo Ngeitu Bik Tiah timi Myanmar Ralbawi Pathum Dantat Ding in UK Nih Timhtuahnak Angei Taktak Cang>>>>>

UK nih Myanmar Ralbawi Pathum Dantat Hna Lai

General Mya Tun Oo (Keh), Lieutenant General Soe Htut (Orh) Myanmar ralkap nih uknak a lak hnu nuhrin covo buarnak ah ttuanvo ngeitu bik tiah timi Myanmar ralbawi pathum dantat ding in UK nih timhtuahnak a ngei, tiah theih a si.

Datat an timhmi hna cu Ministry of Defense ah vuanci a simi General Mya Tun Oo, Ministry of Home Affairs vuanci Lieutenant General Soe Htut le Ministry of Home Affairs ah Deputy Minister a simi Lieutenant General Tann Hlaing hna hi an si.

US nih Dantatmi Myanmar Ralbawi 10 le Company Pathum
Myanmar ram uknak laknak ah ttuanvo ngeitu bik a simi ralbawi 10 le ralkap he aa pehtlaimi sipuazi rianttuannak company pathum cu US nih dantatnak

Ministry of Home Affairs i vuanci pahnih hi Myanmar palik a tlaitu luzik an si i, lamzawhtu hna ruru hranghrang in tukvelh le Naypyidaw ah siangngakchia nu meithal in kah kong ah ttuanvo ngeitu bik an si.

A cunglei ralbawi pathum hi “Ralkap nih uknak alak ni thawk in tuksum nuhrin covo an buar ruang ah dantatnak kan pek hna lai” taih UK nih thawng a thanh.

Hi ralbawi pathum chung ah General Mya Tun Oo le Lieutenant General Soe Htut hi naite ah US nih dantatnak a pekmi hna lak ah aa tel cangmi an si.

Lamzawhtu Hnahnawhnak ah “Ma Ba Ta” Kutneh a Lang
Myanmar rampi ralkap nih uknak a laknak ni 18 a hun tlin bang in Yangon khuachung i ralkap uknak duhlo lamzawhtu hna hnahnawhnak a petu

UK cozah nih Myanmar ralbawi le ralkap he aa pehtlaimi minung 16 dantatnak a pek cang hna i atu ralbawi pathum hi dantatnak a vun pek chap hna hi a si.

Abikin, a cunglei ralbawi pathum nih UK ram ah an ngeihmi thilri vialte chuh dih an si lai pin ah UK ramchung luhnak nawl phih an si lai.

Cherhchan: BBC
Rf: The Chin Journal

Be First to Comment

Leave a Reply

Your email address will not be published. Required fields are marked *