Press "Enter" to skip to content

Nungak ai dawhmi ka hmuh hna i an profile ah CNLD logo a um ahcun

Salai Lungthli Tum nih CNLD a lungthli tum a van phuan tthan hoi cang. “Nungak ai dawhmi ka hmuh hna i an profile ah CNLD logo a um ahcun ka lungthin ah ‘aw, fawi tein hlen khawhmi pei si ve ko hi, chawnh awk a si lo’ timi ruahnak a chuak tawn 😊.” Salai Lungthli Tum

Thawngpang dang relchap <<<<< 2020 Texas hi R in D ah aa thlen ahcun R pawl caah cun a dih Hilary nih mipi Vote in a tei ko nain zeiruang ah dah Trump nih a tei. U.S ram i thim ning cang hi, State pakhat i a state minung um zat in Electoral College timi vote a um. Tahchung nakah California cu minung an tam caah “55”electoral vote an ngei, khat lei kam ah Arizona te hna cu “11” lawng an ngei. Cun California minung vote kha Democrat nih pa khat si lo le ting khat in a tei zong ah electoral vote “55”ning in Democrat nih aa lak dih,cuve bantukin Republican nih a tei ahcun a lak dih ve lai. “Zeiruang ah dah mahtihin an rak tuah?”Arung pakhat cu President le mipi direct in an i pehtlaih ahcun mipi hi an tluak hlen in president nih uknak tha lo a chuah pi sual lai ti an phan. A ruang cu mipi tamdeu hi kan thim mi hi zei bantuk minung dah an si ti mi analyze khawhnak dingtluk in an fim lo tiah Founder father pawl nih an rak ruah. Cu ca zong ahcun electoral college zong nih hin Republican nih a teinak state zong ah democrat vote peknak nawl an ngei. U.S constitution nih a dang party ah vote pek ngah lo tinak a tial lo, cu ve bantuk in Democrat nih a tei nak state zong ah electoral college pawl nih Repuplican sin ah vote nak nawl an ngei ve. A pahnih nak cu U.S chung i a um mi state minung tlawng deuh nak pawl nih election ah power ngei deuh ve hna seh! ti an duh. Tahchung nak ah Senate caah state pakhat nih electoral vote pahnih cio an ngeih i, house of representative ca belte ah minung a um mi zat nawl i a si. Cutik ahcun Cheukhat minung tam nak state, Florida tehna ah cun Trump nih a tei i a dih lak in electoral vote a lak dih nain a minung zoh tik ah tam tuk in a thei lo 49% le 48% hrawng lawng in a tei. Cu bantuk in state dang te te zong ah an um len, cun cheukhat state ah Hilary nih minung vote in a tei tuk nak te te zong an um. Cutikah minung votes an rel tik ahcun Hilary nih a tei ko nain electoral vote in Trump nih a tei. Texas hi Republicans State a si zungzal ko nain, 2020 ah Democratic Party nih a lak sual ahcun U.S ram ah Majority ah Republicans si hi a fawi tilo tinak a si lai. A ruang cu Texas nih electoral vote 38 a ngeih caah a si. Vancunghup Siakhel

Be First to Comment

Leave a Reply

Your email address will not be published. Required fields are marked *