Press "Enter" to skip to content

Nunnak Thaap Le Thisen Chuah Zong In Doh A Phu Hrim2 Mi Ralkap Uknak; By, Rolian

Federal uknak cu harnak phun le thisen in cawk mi zauk phung a si caah ralkap uknak doh hi ngol hrimhrim hlah usih (By: Rolian)
===================================================================
Ralkap uknak duhlonak langhternak ah thazaang chuahdeuh rih hna usih. Duhlonak langhter ning hi acheu nih lamzawh le cataar in langhter khawh a si. acheuh nih ralkheel lei cabia he social online media hmang in ralkap dohnak ca tampi tial khawh zuam ding hia biapi tuk hringhran.

Nihin ni tiang chinram ahcun duh lonak lamzawh ruang ah ralkap le palek nih lamzawhtu hna kham le buai, thah le harnak pek taktak kan tong rih lo tik ah daithlan sual a fawi te. Kawl rawl lei ahcun mipi thazaang a karh chinchin bantuk in ralkap le palek thazaang zong an chap thluah mah ve. thah le hliam a tuarmi an tam cang. Asinain raltha tein an lo hmaban an pehzulh ko rih. Hi kong he pehtlaih in zei ruang hadah ralkap nih chinram ah lamzawh mi han cung ah ralkap le palek thazaang an chap lo timi a ruang ka hmuh ning ka van in hrawh hna.

Chin Miphun lungrual lonak: Zei ruang ahdah ralkap uknak duhlonak langhter ciocio ko bu ah Chin Ramkulh ah ralkap le palek hna nih nihin ni tiang khamnak, thahnak le tlaih khih ngaingai hi kawlrawn bantuk in an tuah hnga lo, tiah biahalnak tete a um tawn. Hihi Chin Miphun cu saupi an lung aa rual kho taktak lai lo, lamzawh zong sau an peh kho taktak lai lo, anmah ngol in an i ngol te ko lai ti an ruah caah nihin ni tiang Ralkap le palek thazaang an van chiah tuk lonak hi a si. cucaah Chin miphun nusal pasal tha kan sinak tu langhter cang hna usih.

Ralkap le palek thazaang a tlawm caah: Tutan ralkap uknak lak ning hi hlan bantuk a si ti lo. An thil sual tuah mi an i hngalh tik ah milu an tamnak hmun ah buainak hi an tih deuh mi a si. Cun ralkap lutlai hna umnak runven le humhimnak lei ah hin ralkap le palek thazaang hi an hman deuh caah chinram lei ah an van thlah kho tuk hna lo. Hihi daithlannak ah hmang loin caan tha laknak ah hmang hram hna usih law lungrual tein kan thazaang langhter chin ko rih han usih.

Ralkap kengruang pi a si mi tangka hman awk a zor: Atu hi ralkal cawlcanghnak ah a biapi taktka mi tangka leitha zaang a der taktak cang. Raltuk le pengkiph khuakip ah thlah a duh zong ah a thalh kho tuk ti lo. Ramchung tangka a tangmi nih cawl kholo in a hren hna. Cu ruang ah fil le tlei, An biaknak lei tangka hmanh an hman piak cang hna. Naite zong ah MRTV in Ralkap cozah nih cozah riantuan tu thlahlawh kan in pe khohna lai lo tiah an ti cang. Cu nih a langhtyer mi cu tangka an ngei ti lo caah hmun kip ah ralkap le palek an thlah kho ti hna lo. Ral bawi pawl umnak le himnak tu papek in an cawl caah a si.

Training an tuah lio caan a si caah: Nihin ni tiang chin ramah ralkap le palek thazaang an chiah lonak hi ralkap hna le palek hna zong raltuk nak ah training an tuah ter hna lio a si caah a si lai zumh a si. Training na lim cun pengkip ah ralkap le palek thazaang hi an kuat vet e ko lai caah ralthat le ralrin taktka cu a hau ve.

Ralkap duh lonak langhter kan tuah tik ah kan tha achiatnak hnga lo le kan lung a dawnghnak hnga lo, ralkap thiltuah mi vialte ruat bu tein langhter udih, nuam sull le hawi tuah cio tiin langhter hlah usih.

Lam zawh bu in, ralkap tha lo han thiltuah hi ruat pah usih, Ralkap ruang ah sualnak ngei lo kan ram mi an thihnak philh hlah usih, ralkap ruang ah kan ram a asifahnak ruat usih, ralkap ruang ah mi ramdang hmai ah kan ning a rak zah kha ruat usih. Mipi hi ralkap duh lonak lamh kan zawh lo le kan ngol zong ah ram dang lei nih economics lei dantatnak cu let than a si fawn lai lo caah mipi tu kan tuar chin lai. Cucaah ramchung ramleeng le ramdang mi hna he I bawm in hmai nor ko usih. Cozah riantuan tu hna zong nih thachia lo tein kan telpi ko rih uh, nan caah rmachugn ramleeng an cawl ko, hmailei kan miphun le kanram ca luatnak kong ruat bu he raltha tein rak kan tel pi ko rih uh. Ram dang khuasa kan ram mi han zong nan ti khawh nak in nan tangtuk cio hna caah kan I lawm, teinak kan hmuh hrim hrim lai.

(Federal Democracy uknak cu harnak phun le thisen in cawk mi zauk phung a si” tihi philh hlah usih.

Crd:Ro Lian

Be First to Comment

Leave a Reply

Your email address will not be published. Required fields are marked *