Press "Enter" to skip to content

Nunthap In Hawidang Heh Tiah Lamzawh lio Ah, Ralkap uknak tangah rian a lut tu Falam peng ah an tam tiah theih A si. A Poi Ngai ko Mu.

Falam Ah Ralkap Hruainak Tangah Riantuan Lut An Tam
========================================

Ralkap ukhruainak thlak dingin hmanrua tha bik pakhat a si mi cu CDM cawlcanghnak cu rampi huap cozah riantuan tampi hna nih mah pumcawmnak le rian kaltak in an i tel i Falam khuapi zongah CDM i a teltu cozah riantuan an tam pi ve.

Nain March thla lai hrawngah CDM cawlcanghnak kaltak/dinhtak in ralkap uknak tang i riantuan tim an tam tiah thawng kan theih.

Tu tiang ahcun thawng kan theih bantuk a si ahcun CDM kaltak in Sii inn riantuan le siang ca chim an tam tiah theih a si.

CDM dinhtak tu pawl kong he pehtlai in Falam mino pakhat nih ” lungdong tuk a si i ningzak tuk zong a si nunnak tiang thaap in dothlennak i, nunnak liam mino an um lio ah a kan hrem tu le a kan that tu a si mi ralkap uknak tangah rian a lut tu Falam peng ah an tam a bikin sii inn lei riantuan tu le siang cachim an tam. CDM a dinhtak tu sii inn riantuan minung 20 leng an um i siang cachim zong minung 20 hrawng an si ve. Siang cachim pawl cu an rian kai ter ding ti a si ruangah ralkap pawl i thlennak tangah an lut. Cu zong cu sianginn uniform i hruk ngam lo in mi sawh sawh thil thuam a hruk i thawng a pe tu in a um mi an si. Hi pawl hi Online zongah kan pholangh cang hna i CDM dinhtak in ralkap uknak tangah riantuan lut tu an um rih a si ahcun a ho dah an si ti cu kan pholangh rih hna lai ” tiah a ti.

Vulei cung tuanbia kan zoh a si ahcun CDM cawlcanghnak nih hriamnam i bochan in hmai a hngal ter tu ralkap uknak a tei khawh timi kan hmuh theih ruangah kan ram zong ah ralkap uknak hrawh dingin hmanrua thabik pakhat a si mi Civil Disobedience Movement hi dinhtak lo in pehzulh rih ko hna usih.

Falam Online Media

Be First to Comment

Leave a Reply

Your email address will not be published. Required fields are marked *