Press "Enter" to skip to content

Nupi tha nih:A zulh ding mi thil’A biapi taktak mi asi.

Nupi Tha Nih a Cawn ii aa Nunpi HrimHrim Ding “Hlawh atlingmi Pasal” timi phen ahhin, “Nupi Tha ” timi an rak um ton. Nupi tha si cu ahopoah nih kan ii tinhmi, kan herhmi le kan duhmi arak si cio. Cucaah, zeitindah Pasal, Fale, le Mi vailte caah hmual angeimi “Nutha” ka si khawh lai tihi a tanglei ah rak zoh ve law rak ii nunpi ve. Nupi tha nihcun, Pakhatnak, Pathian ahngalh taktakmi (apiangtharmi), Pathian nawl angaimi a si awk a si.

(Submissive to God) Nupi tha nihcun, Pathian kha a lungthin dihlak, a nunnak dihlak, aruahnak dihlak, le athazaang dihlak in a dawt hmaisa aherh. (Mark 12:30). Cu tik lawnglawng ah apasal, a fale, le mivialte sinah, dawtnak kha aluangter kho lai. Pathian biatak hngalhnak ding caah tihal in ahal awk asi lai, cun Pathian he aapehtlai pengmi (Intimate relationship with God ) asi awk asi. Pathian sinah ruahnak (idea) hal athiammi, ahmangmi a si awk a si.

Pahnihnak: A Pasal kha Dawtnak tling he a dawtawk asi. (She must love her husband) (1Cor. 13) Hi dawtnak cu minung nih kan ngeih sawhsawh mi dawtnak a si lo. Jesush Khrih sinin a rami “Agápe (ἀγάπη agápē)”dawtnak kha a herh.

(1Cor.13). Minung kan ii duhnak,dawtnak cu rii angei, dongh athiammi asi. Na pasal cungah na ngeih dingmi dawtnak cu Jesush Khrih nih a ngeihmi dawtnak kha a si awk a si. Cu dawtnak cu zeitindah kan ngeih khawh lai? Pakhatnak ah kan chim cangmi, amah Pathian he ii pehtlaihnak in kan ngeih khawhmi a si.

John 15, chung zongah fiang tein akan cawnpiak. Jesuh he naa peh peng a si ahcun, amah tunih cu dawtnak ngeih dingin an cawnpiak, lam an hmuhsak lai.

Pathumnak: A Pasal kha Upat thiammi a si awk a si. (Show respect for your mate) “Upat” tihi aatlak caah, a tlamtlin caah , aadawh caah, a rum caah, tbk..,upat tinak in, zei bantuk minung a si hmanhah atlam a tlingmi a si lo zongah upat thiam, ahar caan zongah, aanuam caan zongah Pathian nih a sermi a si caah va upat! Pathian nih na pasal cu va upat tiah an fialmi na si caah va upat ko, (Ephesians 5:22-25).

Cucu Pathian nawl na ngaih kha a si.(John 14:15).Pakhat le pakhat upatnak a um lonak hmun ah cun “dawtnaktling” taktak hi a um kho ton lo. Pehte ding. Catialtu: Ngun Hlei Suai.

Biadang zong hi relchap ko uh:

Donald Trump Nih Federal Ralkap 175 Chicago Ah Thlah Timh. Democrat pawl nih an ukmi Chicago khua ah meithla kahnak le lamzawhnak a zual caah President Trump nih an khua himnak caah Federal ralkap Agent 175 ka thlah chap lai tiah tuchun ah a chim.

President Trump nih white house i a chimnak ah, “Democrats pawl nih an penmi, New York, Chicago, Philadelphia, Detroit le Baltimore le Oakland khua an hrawh ding cu ka siang hrimhrim lo cucaah law and order a fehnak caah ralkap kan chap a hau hrimhrim” tiah a chim.

Mah hna khua pawl ah hin Black Lives Matter pawl lamzawhnak a tam I, palek he i hnursuan a tam caah hliamhma a tuarmi an tam ngai. Kan hnuzarh weekend ah khan Chicago khua chungah meithal ikahnak voi 70 a chuak I, minung 10 an thi, minung 60 renglo hma an pu.

Chicago khuabuai Lori Lightfoot nih cun federal ralkap rat hnawh ding cu a duh lo. Chicago khua hi minak pawl an tamnak khua a si, anmah le anmah meithal in ikhnak a tam biknak khua pakhat a si.
Catialtu: Salai Lairamthang

Be First to Comment

Leave a Reply

Your email address will not be published. Required fields are marked *