Nutung Ah Cun Uar Um Taktak Mi An Nun Ning Le An Si Ning Uar An Um Bak Hih
Nutung ah ṭamh a zuammi thiang hlim tein a um peng khomi nu cu upat an tlak pinah uar zong an um. Va ngei cia ka si tiin thlabulbal in um kha va le ca zongah a zoh dawh lo i fale ca zongah a zoh a dawh lo. Cucaah ṭamh a zuammi nutung cu uar an um hrim ko, cu nih mifel an sinak zong a langhter chih tawn. (Rian tolh tiangin ṭamh hman bel cu aa tel chih lo)
(Dawh tein thil aa hrukaihmi) Nutung ka si cang ko i thil dawh tete hruk ka hau ti lo tiin um cu thil poi tuk a si. Nutung si hnu zongah dawh te le rem tein thil aa hruk pengmi nu cu a va ca le a fale ca zongah hmuh a nuam i thinlung a hliphlau ter. Nutung si patin thil dawh tete i cawk lo le a tar tukmi hrukaih hruk hman cu a si awk a si lo. Upat deuh deuh i thil dawh deuhdeuh i hrukaih ahhin tar zong a har deuh. Cucaah dawh tein thil aa hruk pengmi nu cu an thinlung a tar kho lo.
(Ngandamnak caah eksiksai (exercise) tuah Nutung si hnu ah ngandamnak le pum dawh nak kha biapi ah ruah lo cu va le zawn ruah lo a si. Nungak lio bantuk tein takpum umter khawh lo hmanhah a si khawh chungin i thau ter tuk, i der ter tuk ding a si lo. (Ngandam lo ruangah telh chih loin). Taksa i dawh le pungsan aa dawh khawhnak ding hi nutun hnu zongah nungak lio tlukin a biapi vemi a si.
(Va le sining le duh ning a theithiamtu) Nutung a simi nih a va duhning le sining a theihthiam ahkhin nusal a sinak a langh. A va nih zei bantuk rawl dah a duh i, zei bantuk thil dah ai rem ti a theihpiak hnu ah a va caah tiin rawl thaw deuhin chumh le amah chimh loin thil cawkpiak a hmangmi nu cu uar an um pinah upat zong an tlak fawn. Mah thilri lawngte i zelh i va le hruk awk hna ngei loin chiah timi kha cu nupi ṭha sinak he aa hlat tuk cang. Mah caah thilduh zelh duh bantukin fa le le le va le zong siaherh ve kha a biapi.
A duhmi le a zuammi a pehzulhmi : Nungak lio ah chunmang tampi a ngeimi an um. Zuammi tete, tahchunhnak ah hlasak, thil ṭhit, lam, thingkung ram kung lakah va vaihvaih, ṭamh le a dang dang mah le zuammi cio kha tuah a si. Mah lak i nutung a si ko zongah a zuammi ah caan pek khawh aa zuammi cu upat tlak an si ko. Caan pek cu a herh deuh hrim ko lai nain a duh tak tak mi nih cun caan an pek khawh ṭhiam ko. Nutung si hnu zongah na nungak lio zuammi te a pehzulh peng khomi nu cu nu tling a sinak a langhter ko.
