Press "Enter" to skip to content

October 22, The Hakha Times Online thawngchimnak fiang tein rak ngai cio hna usih (+Video)

September 15 lio Thantlang khua ah SAC ralkap nih an kah hnu ah tlaih mi Pu Van Za Ceu akong hngalh a si ti lo caah chungkhar lungrethei.

September 15 lio Thantlang khua ah SAC ralkap nih an kah hnu ah tlaih mi Pu Van Za Ceu akong hngalh a si ti lo caah chungkhar lungrethei. Aluancia September 15 lio, Thantlang khuachung ah an kah i an tlaihbeh mi Pu Van Za Ceu cu nihin tiang akonglam hngalh a si ti lo caah chungkhar an lungrethei i bawmh hal in an kawl.

“Ka naupa hi fa 2 a ngei cang mi a si. September 15 lio i SAC ralkap nih Thantlang khuachung ah an kah i an tlaihbeh mi Pu Van Za Ceu a si. Atu hi a umnak siseh, a thih le nun siseh, kan hngal kholo. A hmu mi le akonglam hngal mi nan um sual ahcun phone 09-40139279 ah kan pehtlai hram u,” tiah Pu Van Za Ceu a chuahpi unau nih The Hakha Times ah a chim.

Pu Van Za Ceu hi SAC ralkap nih September 15 lio Thantlang khuachung ah aa choklet mi an kah hna lio ah aa tel mi a si i thla 1 a rau cang nain a umnak siseh, a thih le nun siseh, nihin tiang chungkhar nih akonglam an hngal kholo, tiah kan theih. The Hakha Times

thawng pang dang : Hakha palek sakhaan in Palekbawi Tha Chin Sung le Dar Vang CDM an tuah, Chin Ramkulh ah palek CDM tuah mi 900 leng an si cang
=============================
October 21, Hakha palek sakhaan in Deputy Chief of Police (Du-Ye-Oh) Tha Chin Sung le Police Sergeant (Ye-Tatkyat) Dar Vang cu CDM an tuah, tiah kan theih. “Atu cu a himnak hmun kan phan cang. Chin Ramkulh Peng 9 chung ah hin Paletwa dah ti lo Peng 8 chung in palek minung 900 renglo CDM a tuah cang mi kan si,” tiah Palekbawi Tha Chin Sung nih The Hakha Times ah a chim. Palekbawi Tha Chin Sung le Dang Van cu a luancia September 18 lio ah CDM a tuah mi an si i a himnak hmun an phan. The Hakha Times

thawngpang pakhat tthan : Ni 7 hnu ah Pi Iang Nak nungdam in rap-veengtu hna nih an hmuh cang
==============================
October 16 chun in a tlau mi Pi Iang Nak@ Bawi Cin Thang nu (kum 58 hrawng) cu ni 7 a rauh hnu nihin October 22 ah rap a veeng mi hna nih nungdam tein an hmuh cang, tiah kan theih.
“Khrihfabu mino le chungkhar nih ni 7 chung kan kawl. Nihin ah rap veeng mi hna nih Hakha le Hniarlawn kar ramri tivahor pawng ah an hmuh i kan va lak. Him tein a inn ah kan phanhpi,” tiah Pastor John VSL nih The Hakha Times ah a chim. The Hakha Times

CLICK VIDEO

Be First to Comment

Leave a Reply

Your email address will not be published.