Press "Enter" to skip to content

October 29:Vawlei cung thawngpang laiholh(+video)

– Kalay-Falam-Hakha kar Vaar Hlei thar donh mi honnak an tuahnak thawng
– Union Election Commission nih Paletwa Peng khuatekomh 94 ah thimnak tuah lo ding in a thanhnak thawng
– Vietnam Ram tilian ruang ah mitampi an thihnak thawng tel in thawngpang dangdang

Relchap a duh mi hna caah:

( 1 ) CNF cu Chin miphun vialte aiawhin dirhmi a si. Mi cheukhat ca lawngah a si lo.
( 2 ) CNF cu miphunpi huap in ramkhel ( National Politics ) a kalpimi an si, party pakhat ca men a si loh.
( 3 ) CNLD bantukin Chin miphun min aa bunhmi party hi 7 bak an si. Anmah lawng an si loh.
( 4 ) CNLD cu ralkap he hmunkhat ah aa bawm te ding an si tiah bia chuak a tam ngai ngai. Ralkap he aa bawm te dingmi party dirpi cu CNF caah thil si kho lomi a si.

Uico nih a luak cia a ei tthan he aa lo hnga.
( 5 ) CNLD le CNF cu hmunkhat ah riantuan tti kho ding an si loh. CNLD hotu cheukhat hi CNF a rem lomi an si.
( 6 ) Chin miphun caah kan dir aa timi party nih Chinram khualipi Hakha hmanh ah party headquarters ( zungpi ) a bunh duh lomi ram dawt cu CNF caah zumh awk a har ngai lai dah.

( 7 ) Chin min aa bunhmi lawng nih Chin miphun ai an awh kho lo i, Chin miphun kan i telnak party poh hi Chinmi caah cun Chin party an si dih ko caah CNF caah cun party pakhat lawng dirpi cu palh cikcek a si hnga.
( 8 ) CNLD hi an dirnak kum khat lawng an si rih caah zeitluk dah a nguh te hna hnga ti hmanh aa fiang rih lomi an si. Rakhine party aa fonhmi pawl dirhmun kha zoh chih peng a hau hnga.

( 9 ) CNLD nih NCA lamthluan i tel ve an duh zong ah tutan election ah MLA/ MP pakhat te nih teinak a hmuh zongah Union Peace Conference ah an i tel kho thiam thiam lai. NCA telnak dingah hin mi tampi tlin kher a hau loh.Riahcaw heu men an si. Arti an khuai khawh ahcun a za diam.

Cucaah CNF nih cun phungningte in zei party hmanh an dirpi hrimhrim lai loh. Annih khelhmi cu party politics si loin, National Politics a si ko caah annih caah cun NCA inkharpi honnak ding caah mi zeidah biapi deuh timi kha a biapi deuh suaumau lai.
:Victor pa

Be First to Comment

Leave a Reply

Your email address will not be published. Required fields are marked *