Press "Enter" to skip to content

October Thlachung Ah KNU Le SAC Ralhrang Kahdohnak Voi 200 Leng A Chuak, Ralhrang Thi An Tam Taktak

KNU brigade hmun 5 ah October thlachung ralhrang phu he kahdohnak voi 275 a chuak, ralhrang phu lei ralbawi hna telh in minung 271 an thi, minung 266 nih hliamhma an tuar A luancia October thlachung ah Kayin brigade 5 hmunhma ah ralhrang phu le Kayin ralkap KNLA kar kahdohnak voi 275 a chuak, cu kahdohnak ah cun ralhrang phu lei in minung 271 an thi, 266 nih hliamhma an tuar tiah KNU nih cathanh an chuah.

Kahdoh a chuahnak hmunhma hna cu brigade 1 Tathung(သထုံ) pengkomh, brigade 2 Tawngngu (တောင်ငူ) pengkomh, brigade 3 Ngawnglaypin (ညောင်လေးပင်) pengkomh, brigade 5 Phapun pengkomh, brigade 6 Dorpalaya(ဒူးပလာယာ) pengkomh hna ah an si. KNLA le KNDO in minung 2 an nunnak a liam i hliamhma tuar mi minung 20 an si tiah KNU nih cathanh chuahmi ah an langhter chih.

Brigade 1 hmunhma Tathung pengkomh ah kahdohnak voi 47, brigade 2 Tawngngu (တောင်ငူ) pengkomh chung ah kahdohnak voi 5, brigade 3 Ngawnglaypin (ညောင်လေးပင်) pengkomh ah kahdohnak voi 6, brigade 5 hmunhma Phapun pengkomh chungah kahdohnak voi 204, brigade 6 Dorpalaya (ဒူးပလာယာ) pengkomh chungah kahdohnak voi 13 a cang tiah theih a si.

Cu kahdohnak chungah cun ralhrang phu kuttang um Kayin ramri hngak BGF le KNLA, KNDO kar kahdohnak a chuah hi a si, ralhrang phu BGF in tat-yin-hmu pakhat, tat-khuai-hmu pakhat, bu-hmu pakhat tel in ralhrang phu minung 271 an thi tiah theih a si. Crd; The Chin Post, Khit Thit Media

Be First to Comment

Leave a Reply

Your email address will not be published.