Press "Enter" to skip to content

Ohio State ah cun:Donald Trump nih’A tei ko lai hi.

Florida State ah Trump nih a tei lai tiah rak ruahning bantuk in a tei taktak. Vote 250000 hrawng in a tei. Asinain ruahning nakin Biden sin ah a lung aa thlengmi Voter an tamdeuh ti a si.

Florida hi a biapimi Swing State a si nain Republican an thawng lengmangnak a si ko.Tutan ah a hleiin zoh ding cu Ohio State hi a si. USA tuanbia ah Ohio ah teinak a hmu lomi pakhat lawng president a tling bal ti si le tutan hi Ohio ah teinak hmuh ding a biapi tuk.

A tang hi ka tial ciami asi:

Nizan CBN in Pi Sui Chin nih Pi Cherry Zahau bia a ruahmi ka zoh ve i a bia a fak ngai. Dr. SaSa zong fak ngai in a tthuat. Pi Cherry le a ttuan hawi hna nih Dr Sasa cungah an lungput biathli a pholang lawlaw.

(Ahodah a dik. Ahodah a diklo timi ka thei hna lo. Asinain laimi nih “Keimah ttuanmi/ kanmah tuahmi” tiah thil ti khawhnak/credit an icuh tukmi belte cu a nauta ngaimi lungput ah ka ruah)

Dr Sasa cu NLD a von luh hnu in biatak tein doh le thlak a tong. Dr Sasa nun ahhin Keicu Pathian thatnak lawngte ka hmuh. Nihin a dirhmun a phan hi Pathian nih Joseph bantuk in a umpi i lam a hruai caah a si tiah ka zumh. A ttuanmi le a tuahmi hna hi midang caah tthatnak lawngte an si.

Dr Sasa a pa hi Pathian nih pekchanhnak kong chim ah laksawng a pekmi Evangelist a si i a chan lio ah Pathian nih a hman ngaimi a si. Dr Sasa nun le sining zoh ah khuaruahhar in tthatnak le hlawhtlinnak nih a tuam hi a pa thlacamnak a si lai tiah ka zumh. University kip i biachim an sawm khi a testimony in thazaang ilak cio awk ah an sawmmi a si. Hmailei a nun belte zeidah a lawh te hnga.

Dr Sasa nih a chimmi bia, policy le a Vision kong ah mature respect he a diklo tiah an al i critics an tuahmi khi aa dawh ngaimi biaruah/discussion a si tiah ka hmuh. A tha ka ti. Asinain a nun, a character le a riantuannak hrawh le thlak (charecter assassinated and destroy) an tuahmi belte cu a poi ka ti.

Be First to Comment

Leave a Reply

Your email address will not be published. Required fields are marked *