Online Thawng Kan Thanh Tikah Kan Iralrin A Herh Bak Hih
Online Thawng Kan Thanh Tikah Kan Iralrin A Herh Bak Hih: Kan ram buainak kongah CDM ah cozah rianttuan tu mitampi an luut i,a che cu an rian in an chuak i,mah lak ahcun police le ralkap zong a chuak mi le a zaam mi hi tampi an umcang ti theih a si i mah ti a zaam mi pawl hna kong ah hin online cattial tu hna nih kan iralrin taktak a herh mi a si.
A tu ah hin kan inpa a si mi india cozah nih cun a kan dirkamh lai hlahmaw tiin kan ruah lioah,Union home ministry of india nih cun a ram chungah Myanmar police or ralkap a zaam mi hna cu luh a siang lo i,mah cu kong i hma a la tu dingah assam rifles(Assam State ralkap)tiah a fiandeuhnak cun kan ti lai cu,mah hna kut ah a chiah i,mah hiruang ah hin Chin media hna nih hin CDM ah a luut i kan ram chungah him nak ka ngei lo tiin thinphan ruangah kan unau,Mizoram ah police le ralkap maw a zaam mi nan theih ko hna zongah an min le an hmanthlak le an vazaamnak khua le sang kha fianghlang tein langhter lo kha a tulio kan sining he cuanh tikah hin an caah an him biknak ding a si ti thei cio dingin ka miphun online cattial pawl kan dihlak sawm dih kan si.Mizoram NGO le cozah tu nih cun Union Ministry of India nih a thilti mi cu an cohlang lo ti zong kan theih chih.Azei a sihmanh ah iralring ko hna usih. Tin Duh Thang
