Press "Enter" to skip to content

Pa 10 nih:Kum 15 hngakchia faktuk in an tleihrem.

India, Andhra Pradesh ah tleirawl kum 16 mi cu mipa 10 in an kaihrem ih innsung ah an khumbet, cutin ni reipi sung an pawngsual ṭheu.

Tleirawl cu Dalit miphun a si ih, June 23 ah an sungkhat nunau pakhat Anitha (sungkhat naivai cu a si lo) in dawr ah hnaṭuan ding a um tin a hruai.

Mipa 7 thawn auto in an feh ih hnaṭuannak ah hruai loin innsung ah an kharhkhum, cutawkah mipa 10 in nitinten an pawngsual ṭheu.

A innsang pawlin an pehtlaih thei nawn lo ruangah July 12 ah Korukonda police hnenah an theihter, palik an theihter hnu a ni 3-nak July 15 ah tleirawl cu an ra tlung ih thilumdan pawl a sim thluh.

July 18 ah a sungte pawlin pawngsual thubuai tuahsak in FIR an tuah. Tleirawl khal siizung ah an tuamhlawm ih a dinhmun a ziaum deuh thlang tin SP in a rel.

Monday ah pawngsualtu 10 pawl cu palik in an kaihngah thu an phuang, an sungkhat Anitha cu an khua lamah arak tlung zo ih kai dingin an hawl rero lai. (TimesNowNews)

A tang zong hi relchap ko uh:

2010 laiah Chin Party in MP cuh Duh le cuh ngam mi malte an si. A cuhtu tamsawn cu sawm ciamco cawp an si.
MP an cuh ngam lonak san cu

Hrilawk a um taktak kan zum lo, MP kan tlin khalle Ralkap in uknak a pe cuang lo ding, Hlutdaw khal kai theih taktak a si cuang lo ding tin an zum ruangah a si.

Kum 5 rei hnu 2015 ah Ralkap ṭih ding a um lo ti a lang hnu cun, Party pakhat sung hmanin MP cuh duh an tam vivo. An ral a ṭha ciamco. Ram duhdawtu khal an pung vivo a bang.

Tui 2020 ahcun, peng khatah MP hmun 4 a lawngnak ah mi 8-10 tiang cuhtu an um. Hmun khat lawng cuhtu mi 3 an si tlangpi. CAM cuhtu khal Sagaing ah mi 3, Magwe ah 2, Zakhaing ah 2, an um.

Peng 20 ihsin CNLD ah MP cuhtu zaten anmah le Peng CEC in thupte vote (secret ballot) thawn thianghlim zetin an hril. Central chairman pawlin vote an pe ve lo, thu an nei ve lo. CAM cu Ramthen MP an siih peng pakhat lawngin hril theih a si lo ruangah Central CEC in direct in a hril.

MP cuhtu ding hril tlin lo mi hnenin lungawi lonak awkam: Hriltu EC paisa pek ruangah, cumi khami hrinhnam a si ruangah anih cu hril tlin a si tivek puh mawh ding hawl an um lo. Miphun duhdaw taktak lo, sinak ruat men ih MP cuh tum an um lo tinak a si.

MP cuh tumtu (tling lo) hnenin, hrin hnam thleidan ruangah, lole nawhthuh pek ruangah cupa khapa a tling titu an um ahcun, lungput siava thawn Midang hminsiatter tumnak a si ruangah thuṭhennak ah khin an si ding.
A tawinak in,

2010, 2015, 2020 tin Hrilawk vei 3 a um zo ih MP cuh duhtu kan tam vivo dan zoh ah Chin mipi in mai Chin Party an dinpi vivo, Chin Party a cak vivo, ti a takin a Lang’2020 ih MP cuhtu ding hrilnak kan hlawhtling Pathian a tha.

Be First to Comment

Leave a Reply

Your email address will not be published. Required fields are marked *