Press "Enter" to skip to content

Pa nih:Nu sin ah chim bak lo ding mi’Bia thli phun 4 a biapi taktak.

Nungak cheukhat le a hlei in nungak senior deuh pawl nih ni fatin an ton mi lak ah an rem lo mi le an huat bik mi thil phun (5) an ngei i cu an huar bik mi phun (5) hmang cun bia hal an tong khun ti a si .1.Pasal na va nei har veA ho ti um lo , an pahawi le an nu hawi si seh chungkhat sahlawh rualchan le innpa chakthlang tiang nih an hmuh hna le lampi an ton hna zong ah pasal na va nei har ve ti hi an ti theu tawn hna . hi bantuk in an ti tik hna ah hmaipanh te in an leh ko hna nain an chunglei cu ai puan nak in an khat i hi bia i an rak rem lo tuk ti a si .

2.Na mit asang tuk i a si ko laiA tutiang pasal na ngeihlo mi hi na mit a sangtuk i a si ko lai , an duhtu tlangval cu an um lengluang ko lai cuh a ho poah khi hei va cang ko hna tiah nungak senior deuh pawl ngamh tlak ngaiin an ti hna tik ah khin an cunglei in an thin a hung tuk i an ruah mi cu a ho poah nih duh thim nak cu kan ngei cio si ka duh le pasal cu ka ngei lai a duh le ka ngei lai lo ka kong ah rak i ceih hlah tiah fak nawn in leh ve an duh ngai tawn hna ti a si . a si nain an i sum kho .

3.Na mui dawh he na pasal ngeih a tlai tukhi bia zong hi an huat tuk mi bia a rak si i , hi bantuk in a ti tu an um can ah cun an thinlung te cun ” nangmah na pasal bantuk hna khi cu duh ve ning law zei tik poah ah pasal cu ka ngei kho ko si tiah” leh an duh ngai hna ti a si .4.Zeitik ah dah pasal ngeih nai timh ?an pasal ngeih ding can cu tha tein i fiang seh law cu tik ah pasal ka ngei lai ti chimh le ruah cu na duh tuk ve mi a si ko i an chim lo tik ah cun pasal ngei ding a fiang rih lo i a pasal ding zong fiang fai tein a chim khawh rih lo caah a si kho mi a sio .

Zeitik ah thla pasal na ngeih lai ? tiah interview phun in va hal khi an rak huat tuk mi a si fawn tiah hlathlai nak a tuah mi nih cun an chim . 5.Tulio hi Tlangval na ngei maw ?Nungak senior siruang ah tlangval zong a ngei kho lai lo ti phun in tulio hi tlangval na ngei maw ti bia hal cu an huat lo awk zong a tha ve fawn lo . ka tlangval ngeih le ngeih lo kong ah rak buai hlah tiah chim an duh ngai i an thin an i sum tawn ruang ah a si .Biachap : Kan mah he aa pehtlai lo mi le kan rian a si lo mi , mi kong ah an pumpak sining kong va hal le va kher hlai khi a phung a si lo i kan i sum awk a si .

A fim mi nih cun ka bia hal mi hmang in nuamh lo nak le ai puan nak hna a ngei sual lai tiah an tuak hnu ah mi bia an hal i , mihrut ruahnak tlawm deuh mi pawl nih cun kei cu ka lung a thiang ti phun khin ka biahal mi hi a rem lo sual lai ti zong tuak lem lo in duh poah bia hal a hmangmi kan um . kan mah kong a si lo mi theih duh tuk cu mah le sining i theih lo phunkhat asi .tuhar hrawn hi a nih khi ka cung ah a mui hmai a panh lo e kan ti tawn mi hna khi kan mah nih kan hal awk a si lo mi bia kan rak hal sual caah a thinung tein a rak kan kua mi an um tawn caah a si .

Thawngpang dang zong hi relchap ko uh:

India nih a ser mi covid-19 vaccine, Covaxin cu AIIMS, Delhi ah tuni 20 July 2020 ah khan minung cungah hneksaknak tuah thok asi cang tiah thawng theih asi.

Covid-19 vaccine, Covaxin sertu hi Bharat Biotech a si i, Indian Council of Medical Research (ICMR) le National Institute of Virology (NIV) hna he a tuantti mi an si. ICMR nih covaxin minung cungah hneksaknak a voikhatnak le a voihnihnak neihnak ding hmun 12 a thimmi chungah AIIMS, Delhi hi ai tel i, a voikhatnak ah hin mah duh tein ai pumpe mi minung 375 hna cungah hneksak timh asi i, mah chung ah minung 100 hna cu AIIMS ah um mi an si i, tu thla chungah hneksaknak hi tuah dih dingin timhtuah asi.

Vaccine hneksaknak dingah ai pumpe mi hna hi Covid-19 a nei bak lo mi le zawtnak a nei lo mi an si hna i, kum 18 in kum 55 karlak an si hna tiah AIIMS nawlngeitu hna nih an chim.

ICMR nihcun covaxin hi tukum August thla ni 15 ah khin mipi hna nih hman khawh dingin dih manh dingin a serchuak tu bik asi mi Bharat Biotech cu a theih ter cang tiah thawngtheih asi fawn.

A tang lei zong hi relchap ko uh:

COVID – 19 zawtnak a ngeimi hna Uico nih an theih khawh cang hna lai. Sizung ah vai chek le vai zohter hau ti loin Uico nih zawtnak a ngeimi a kawl khawh hna lai i a theih khawh cang hna lai.

Chile ram ahcun palik nih Uico fim pawl kha COVID – 19 mizaw pawl kawl kho ding le thei kho ding in training an pek cuahmah cang hna.

Mahhi Uico fim pawl hi rithaisi thil tha a thei khomi le bomb pawl a thei khomi an si. Kum 5 in kum 6 an si hna. Virus ngeimi kha an rim in an theih khawh hna lai tiah palik nih an chim. Ref: Yahoo News

Thawngpang dang zong hi relchap khawh si:

Tulio US le China karlak thlihran a linsa ngai ngai ko cang hih. Hi hi zeiruang ah dah a si hnga timi China nih alanghter ningah cun, South China Sea I Chinese military hmunhma ah US nih hnahnawhnak tuah aa tim tiah sual aphawt. Tu lio hi South China rili nichuah nitlak in US nih a neihmi raltuknak tilawng tha bikbik hna cu a chawhter cuahmah ko.

Aherh ahcun China military hmunhma tiang kan kal lai an ti. Mah kongah China nih atimi cu, US he ralthawh hi kan duhlo, remnak ser hi kan duhbik, nain China nih self defence tuah cu kan rian a si tiah a ti cang.

US nih Chinese military hmunhma leiah a kal sualah cun China nih US nih a dim hrim hrim lai lo, a phomh colh lai ti a fiang ko. South China Sea hi, China, Vietnam, Malaysia, Indonesia le Taiwan nih an icuhmi rili asi.

China cu hriamnam ngeimi ram a si caah China nih mah hna ram pawl hi cawlcang ngamloin a tuah hna. Amah bak nih uk dih aa tim. South China Sea hi mah hna ram 5 ta asi lo, International space a si tiah US nih cun a ti.

Cu caah duh paoh in cawlcanghnak nawl kan ngei tiah a ti I, a duh tik caan paoh ah US cu Couth China Sea ah a kal peng hi a si.

US nih a neihmi raltuknak tilawng tha bik USS Nimitz le USS Ronald Reagan Carrier Strike Groups, le Aircraft pawl cu drill tuah an ngol hlei lo. Mah kongah China Southern Theatre Command senior military commander nih atimi cu, ‘South China Sea’ hin mizei hmanh nih an kan chuah kho lai lo, thihphaihnak le hrocernak menmen in a zam ding kan si lo, China nih hin!

US a neihmi raltuknak hrawk dih khotu anti-aircraft carrier weapons like DF-21D and DF-26 aircraft carrier killer missile kan nei tiah tluang a khong ve cang. China zong aa hrocer ngai ngai cang caah US nih China he iphomh dingin ready kan si tiah an ti hi asi.

Note: Athianghlimmi News tial khawh peng kan i zuam. Cun thawngpang pakhat khat Website – Dailychinstar hmangin thlah na duh ah cun zeitik caan paoh ah free tein thlah piak khawh na si. Amahbel pumpak, khua, tlang tbk midang ahnursuang khomi belte kan cohlang lai lo. Cun, suimilam 24 hrs hlanah Dailychinstar nih athlahmi thawngpang chungin mi zeihmanh nih copy paste tuah khawh asi lai lo. Na relmi thawngpang hna hi midang nih an rel khawh ve nak hnga atha tiah na ruahmi a um ahcun share rak tuah ve.
Laknak:Daily Chin Star News.

A tang lei biadang zong hi relchap ko uh:

Thawngpang Ttha: Tulio vawleipi a thinphang thla le zeihmanh tuah thiam loin a kan tuahtu Covid-19 in ikhamh khawhnak ding ah Vaccine ser khawh cu ram kip le company kip nih heh tiah an izuam cio hna.

Cu lio ah Russia ah Sechenov University nih Covid-19 vaccine cu Clinical Trial ah minung sinah hneksaknak an ngeih khawh cang nak kong Pathian ni ahkhan Institute for Translational Medicine and Biotechnology director Vadim Tarasov nih a chim.

Vadim nihcun June 18 thok khan Covid-19 vaccine ding hi Clinical trial tuah hram an thoknak kong a chim. Hi hneksaknak ahhin volunteer hmasa bik cu kan hnuzarh ni ruk ni ahkhan siizung in an chuahter cang nak kong zong a chim. July 20 ah Volunteer a van changtu hi chuah a sit than lai tiah a chim chih.

Vaccine sertu hna hi Russia ah Gamalei Institute Of Epidemiology and Microbiology an si. Russia defense ministry nihcun volunteer hna nihhin hneksaknak an kan tuah lio ah an i fimkhur ngaingai, ralring taktak in thil an tuahnak kong an chim tiah a chim.

Sechenov University-a Institute of Medical Parasitology, Tropical and Vector-Borne Diseases director Alexander Lukashev nihcun vaccine hi market- ah zuar khawh zau dingin an itimhlamhnak kong a chim.

Russia hi vawleicung ram hna lakah Covid-19 vaccine ser chuah ai timmi hna lakah minung sinah a hneksak i a dih hmasa biktu an si. Zeitik ah dah vaccine hi an zuar khawh te lai ti tu cu theih a si rih lo.

Thawngpang dang zong hi relchap ko:

USA ram hi Setan nih zahlawngtein a duh poah a tuah khawhnak ram a si cang caah, mi sual zong nih thiam an co nak ram a si cang. Mah bantuk in mipi an lungreithei i, an tih lio ah mah le nunnak khamhnak caah tiah thil tuah mi zong thiam lo cohter an si cang

BLM protesters pawl nih hmun dangah an tuah bantuk in mah ukil nupa umnak sangah protest an tuah ve. Natein meithal he mipi cu kan ram chungah rak lut hla u tiah kah an nih tim ruangah USA mipi nih thei dih an si cang

An umnak sang hi, USA mirum pawl umnak “gated community” ah um mi an si. BLM protester pawl nih an chim ning ah cun paeceful ngai in lam ah kan kal lio ah mah nupa nih hin meithal in kah an kan tim tiah an chim

Natein mah nupa nih an chim ning ah cun, kan gate an hrawh i, kan tih caah meithal he mah le nunnak himnak caah protester pawl hna hi kan tuah mi a si tiin an chim ve.

Inn ngeitu pa nih a chim ning ah cun mah BML pawl ruangah ka cereer vialte a hrawh dih, BLM supporter ka si tiin a chim. Palik nih case register an tuah piak i, a meithal zong an lak piak

Mah video hi Trump le a nupi nih twiiter ah an post hnuah an delete tthan tiah thei a si. An umnak sangah ummi tampi nih mah nupa hi an umnak in chuak seh tiah an duh ning an chim i, cun mi tampi nih cun ma nupa nih mah bantuk in mah le nunnak vennak caah meithal an nih lak mi hi sualnak zeihman an ngei lo tiah an chim. Source- Foxnews, firstpost

A tang lei bia peh zong hi relchap ko uh:

China ram Wuhan khuapi in Hongkong ah, Hong Kong in US ah a zammi sibawi Dr.Li-Meng Yan nih cun 2019 kum, Decembar i Coved-19 zawtnak hrik zohhlattu ah a tel nak le, China cozah nih cun Covid-19 zawtnak cu a thok ka ah khan rak ngaihsak lo in damlo mi hna zong tuamhlawm tha duhlo in a rak um nak, WHO thawng a rak thanhtu zong nih covid-19 zawtnak cu minung taksa ah a chonh khawh timi cu a theih tuk ko nain, a rak chim duh ve lo tiah amah biahal tu pawl Fox thawngla tu sinah achim.

Dr. Li-Meng Yan cu Virology le Ummunology ah mithiam khun a si i, Hong Kong School of Public Health rian tlaitu zong a si. Chinna ram a chuahtak nak cu China cozah nih a cungah thilthalo research a tuah cu Supervesor zong nih a theih lo nak a chim i, Coved 19 zawtnak a rak si ka te ah khan China cozah nih cun mipi theihternak a rak tuah dohlo tiah achim.

“US ka luhnak a ruang cu Covid-19 zawtnak he pehtlaiin biadik kan chim ruangah a si cem ko. Kan riantuannak Laboratory cu WHO zong nih Laboratory zumhtlak ah a ruah i, SARS zawtnak bantuk virus zohhlattu Scientist ah ka tel.

2019 kum , December 31 ah Coronavirus zawtnak cu minung pakhat le pakhat i chonh khawh a si nak cu kan hotu ka rak chimh nain an rak ka ngaihsak piak duh lo. Curuangah sibaw tam deuh u cu an thin a rak phang tuk cang i Staff pawl cu a rak thirh dih hna.

“US ram ka rak luh cu airport ah an rak ka dir ter i, China ah kuat kir than ding an ka timh. Asinain, an sinah biadik phunchuah dingin China ka chuahtak i US ah a ra mi ka si, China ah nan ka kuat kir than a si ahcun an ka thah lai tiah ka chimh hna i, FBI nih cun bia an ka hal hnuah an ka kuat than lo” ati.

Cu pin ah China cozah nih hlathlainak hmun zongah cun sau um ter an kan sanhlo i, an kan kuat colh lengmang tiah achim. Dr. Li nih cun China cu virus thup tu le damlo hna zong tuamhlawm duhlo tu ah chim nain virus cu China tuahmi a si timi bia ka cu a ka in a chuak lo.

Hi bantuk in bia a um lio ah US i China Embassy nih cun Dr. Li cu an mitheih a si lo nak an chim ve i, Hong kong School of Public Health zong nih Dr. Li cu a rian in an rak phuahnak le a sulhnu zeizong te a rak thai piak dih.

Be First to Comment

Leave a Reply

Your email address will not be published. Required fields are marked *