Press "Enter" to skip to content

Paletwa Peng Khuami minung pa 6 A That Tu Hna Cu Dantat An Si Lai Tiin CDF Nih thawng an thanh cang…

Chin Ramkulh, Paletwa peng chung um khua pakhat ah khuami 6 a thattu hna hriamtlai phu pakhat cu dantat an si lai tiin CDF-Paletwa nih cathanh an chuah. Sami, Soe-Ni-Ka- Naung khua ah December 16 zaanlei suimilam 4:00 hrawng ah hriamtlai pakhat a ra mi minung panga nih khuami minung pali le company rian ttuan minung pathum cu khualeng ah an kal pi hna i minung paruk an thah hna. Pakhat cu hliam a pu i Sami khua, sii-inn ah an thlawmh lio a si.

“Hi kong he pehtlai in CDF-Paletwa le khuami kar i theihthiam lo nak a um khawh leng ah palhnak ngei lo mizapi hriamnam he a that tu cu hlathlainak kan tuah lai i dantatnak tuah ding” tiin CDF-Paletwa nih cathanh an chuah. Cu lengah “ khuami hna cung ah nuhrin covo buarnak komg ah ttuanvo lak ding” ti zawng aa tel. Soe-Ni-Ka-Naung khua cu Sami khua in miles 12 tluk aa hlat um mi inn 60 hrawng an umnak khua pakhat a si. the chin post

addictio.. hi minung pa 6 a thah tu hna hi hriam tlai phu a si ii,cucu nuhrin covo buar in sualnak a nei lo minung pa 6a thah hna caah a cungah thih dantatnak a chuah tinak a si,kan vunlei hi khua caan a chia tuk cang e,ka pal e pal lo e ka sual e sual lo e ti zong um lo,a caan ahcun kan pal lo sualnak kan nei lo lio caan zongah kan nunnak an kan lak tawn ko e.

Be First to Comment

Leave a Reply

Your email address will not be published.