Press "Enter" to skip to content

Party kong ah:Laitlang khuate minung an thinhung cang’Thil dik lo taktak asi an ti cang hi.

Kan khua ah khual phu hnih an phan. Phu khat cu Biaknak lei an si, phu khat cu Ramkhel party lei an si.A thaizing, zarhpi ni zingka thaithawh ei cut hlan ah a tanglei bantuk in tlang an au. Tha tein bia rak ngai ta rih uluau…

Biakinn chungah mi tampi pumh khawh a si lo caah caanhmangtu lawng Biakinn chungah an um lai i Loudspeaker in an chimmi kha kan dihlak in kan ngai dih hna lai.Cun, pumh caanhmannak a dih tikah meeting, ramkhel party a kan tlawngmi nih biachimnak a um lai caah aho taktak hmanh baulo tein Hall ah nan rak chuak dih lai.

USA kong a si tang hi:

Ruah nak nakin tuandeuh ram pumpi cuul in vote peknak an tuah lehlam. Texas le bangah cun minung 7.1 million nih vote an pek cang, tiah US elections project website nih a chim.US ram chungah vote thlak a tambikmi state a si i, Biden caah lei ah vanthatnak thlizil a hrang. Cucu kum 40 lenglo chungah Democrats lei nih an ti thacem caan a si.
Dallas Morning News le the University of Texas at Tyler nih poll an tuah ningah, Texas ah hin Biden nih Trump hi 48%-45% tluk hrawngin a tei rih, ti a si. Biden nih Texas i buan a co a si ah cun tutan thimnak hi a tei ding a fiang ngaingai i, landslide hmanh in a tei khawh mi a si.

1976 lio i Rep. Gerald Ford nakin Jimmy Carter tu an thim hnu in khan cun, Texas nih nihin tiangah Democratic candidate hi a thim ti lo. 2012 zongah khan Mitt Romney kha 15.8 point in vo an coter. Asinain Obama nih a term hnihnak kha fawitein a tei thiamthiam. Kum 4 hnu ah Trump nih Texas nih ai ngeihmi 38 electoral votes bal cu ai haikonh khawh i, point 9 bakin Hillary Clinton kha a tei phah.

Election Day phaaknak dingah ni 9 te lawng ai duh cang. Ram pumpi i vote an pekmi thawngpang hi USA Today nih a si khawh chungin a zulhdawi khawh ai zuam i, tutan a langhtermi zong hi a tharhlam te a si.Poll thar a chuahmi ningah, sentluk in a um tawnmi Texas ah Biden nih Trump a tei ngai fawn

Dallas Morning News-University of Texas at Tyler nih poll a tuah ningah, September ah khan cun Texas ah Trump nih Biden hi 2 point hrawngin a tei ko rih. Asinain, a tu ah cun Biden nih 48%-45% tluk hrawngin a vun tei ve cang, ti a si. Abikin, independents le Hispanics pawl sin ko ah hin hmaak a hmuh hi a si.“Trump cung i mipi thinhunnak ruangah hin Texas a dirhmun hi thinphandai lo a si,” tiah tutan poll ah director a simi Mark Owens nih a chim.
Texas pumpi cuul in vote peknak ah minung cu an i tlar lulh hna. Oct. 13 tein khan vote pek an thok cang. Asinain, Mail in vote pek cu a si khawh chung in an onpiak hna lo. 2016 vote pek lio he tahchunh ah cun, tutan vote an pekcangmi hi 80% a si manh cang, ti a si.

Tutan zarh chung i Texas ah vote a pemi milu dihlak hi 12 million an phan te kho men, tiin GOP data analyst Derek Ryan nih a chim. “Cu zah minung nih vote an pek khawh taktak ko ah cun, Latino pawl ko hi an tam te lai va si kaw, kanmah Democrats pawl ko caah a tha chinchin hnga,” tiin Democrats lei nih an thathawhnak an chim.

“Cu zatzat nih vote an pek lai, ti cu chim awkah a har ko rih. Asinain, an pek tak a si ah cun, Democrats nih buan an co lai, tinak a si. 12 million lakah zatceu veve minung kan i hmuh khawh a si ah cun, kanmah Democrats nih buan kan co, tinak a si,” tiah Texas democratic Party an aiawhbiachimtu Abihi Rahman nih a chim.COVID-19 nih a den ngaimi hna Ramhlum (Native) Americans pawl Vote pek kongah harsatnak an tongPulrai in ahonih hin dah a thabikin a kan kilven khawh hnga, ti hi an ruahkhahmi a si. Asinain, an mail system hi ai ningcang lo ngai i, an internet line hi a tha fawn lo, cun an umnak hi le a kihriang rumro ah cun a fawn tikah, an thawngpang theihpiak khawh an si zunzan fawn lo.

Native Americans pawl hi pulrai in a zawmi an tam i, a thimi zong an tam ngaingai. Vote peknak kong i zawnruahnak ngeilo in phung (law) an si mi ko nih hin, sifaak a si mi le a kihriang ah khua a sami Native American pawl vote pek an i harh ngaingai ko.NYU researchers pawl Facebook nih a hrocer hna kongah buaibainak a chuak
Facebook hmangin NYU researchers pawl hrocer an si hnu ko hin, sianginn a kaimi cathiamsang, thawngpanglatu le First Amendment sihni pawl biatak tein an dirkamh hna. Sianginn analysts pawl nih data fawkkhomhnak nan tuahmi hi ngol cang u, tiin Facebook hmangin hrocer an simi cu an cohlang kho lo.

“Ad Observer” timi data collection tuahnak ap hi thawngpangdik lo thanhnak caah le midang an namnehnak dingah Facebook nih a hmanmi a si.“US ah volunteers minung 6,500 nih an hmanmi Chrome le Firefox browsers ca i special plug-in hi vun that cang u, cun cu pawl hmangin nan hmuhmi data vialte zong vun delete dih u,” tiin Oct. 16 ah khan Facebook executive nih researchers pawl cu ca a hei kuat hna.

Volunteer pawl sinah zeibantuk ads hi dah a langh, timi hi cu plug-in hmangin in cun researchers pawl nih an theih khawh. A ngaingai tiah cun, miphun kong, kum kong, nu/pa (gender) kong le mah nih uardeuhmi politics kongah fiangtein an miluzat a langhtertu ads pawl hi Facebook nih cawngiatu (advertisers) kut ah a phaakter thotho ko.
“Kanmah (Facebook) nih kan taarmi chungin data tor le cheng automatic in khomhsuatnak tuah hi kan Facebook rule nih a khammi a si i, Researchers pawl nih cu rule cu nan buar. Nov. 30 tiang i nan Ads nan hrawh lo a si ah cun, dantatnak kan in tuahchap hna lai, tiin Facebook executive Allison Hendrix nih a hro hna.

Facebook nih hrocernnak an tuahmi kong Friday i thanhnak a hmasabik a tuahtu hi The Wall Street Journal an si i, “Ad Observer” nih a chuahpimi a sunglawimi fimnak doh le dal a tonmi kongah mipi an thin a hung ngaingai. Hi Ads hi Nov. 3 presidential election kong tial ai timmi ram chung thawnglatu pawl nih September tein an thokmi a si i, cu ri in an hman cangmi a si.Votehlaknak hmun hma ah Votepetu pawl Hriamnaam i Ken lo dingin kan Chim kho hna lo, tiin New Hampshire AG nih a chim

Michigan hi zalongtein meithal kennak nawl a petu state a si ve ko nain, anih hin cun votepeknak hmun ah meithal i ken lo dingin a khap hna. Asinain, NH state tu nih cun votepetu hna kut in meithal kan chut hna lai lo, tiah a ti. “Votepetu hna kut in meithal chuhnak nawl kan ngei lo, asinain election lio ah midang thihphaihnak le buainak ah an hman sualnak hnga lo, thatein kan zohfel ve hna lai,” tiin NH Attorney General office nih a chim.

“Votepeknak hmun hi sianginn a va si ko zongah, votepetu pawl meithal i ken lo dingin kan NH election law hi kan i hman kho lai lo,” tiin Assistant AG Nicholas Chong Yen nih NHPR.org ah a chim.Votepeknak hmunhma i meithal ai kenmi an i tel ding cu lungrethei a si pah ngai ko, tiin a cheukhat NH poll tuahtu le votepetu pawl nih an chim.
“Votepeknak hmunhma ah langhngantuk in meithal i ken kan khap” tiin Michigan’s Secretary of State Jocelyn Benson nih nawl a chuahmi kongah gun rights groups pawl nih duhlonak an langhter.

Be First to Comment

Leave a Reply

Your email address will not be published. Required fields are marked *