Press "Enter" to skip to content

Pasal Tha Bak Si Ko : Ralkap kut ah Nawlngeihnak ka pe kho lo tiah VP Henry Van Thio zong nih minsen a thut ve cang

Kawl ralkap nih hramhram in uknak an chuh mi hi a dik lo, kan mah hi mipi thim mi hruaitu cu kan si tiah NLD MPs 200 leng nih minsen thutnak in an langhter ve cang. “2008 phunghram ning bantuk in Myanmar ram hruaitu ding cu Myanmar mipi dihlak nih vote peknak in an langhter cang, phunghram ning bantuk tein kan mah hi kum 5 chung Myanmar rampi a hruaitu ding cu an si i mizei hmanh nih hramhram in cucu chuh khawh mi a si lo. Cu caah kan mah rual hi mipi thim mi ram hruaitu cu kan si” tiah NLD MPs minung 200 leng pi nih minsen thutnak in an langhter hi asi.

Tutan ah Vice President Henry Van Thio zong nih minsen a thut ve i Mipi nih nawlngeihnak an kan pek, kan mah cung ah nawlngeihnak aum, 2008 phunghram ning bantuk tein kan nawlngeihnak cu hramhram in, a dik lo ningin chuh khawh a si lo tiah minsen thutnak ahcun a langhter ve.

2008 phunghram nih MP rian phuahnak, Hluttaw Palai rian puahnak kong he pehtlai in a tial mi vialte zong an langhter dih i, 2008 phunghram chanchar in nawlngeihnak chuh khawh nak lam aum lo tiah an langhter hi asi.

Tutan ah ralkap uknak chuhnak kong lung tlin lonak le mipi thim mi hruaitu taktak cu kan mah hi kan si timi minsen a thu mi NLD MPs hi an tam taktak. NLD Chair timi official page ah cu vialte cu an tarlangh dih. An tam ngai, cu caah a fawinak in 200 leng tiah kan langhter i cu nak let in an tam ko lai. Kan mah Chin mi MP chung zong in minsen a thu mi MP an um len ve. Vice President Henry Van Thio zong nih uknak chuh awk kan tha lo, hruaitu ding ah thim mi cu kan mah hi kan si tiah minsen cu a thut ve hi asi.

Note: Minsen a thu mi MPs pawl list cu a tam tuk caah kan langhter lem lo, NLD Chair official page ah zoh khawh a si lai. laikokekjournal

Be First to Comment

Leave a Reply

Your email address will not be published. Required fields are marked *