A tu i, kan langhter dingmi hi mifim thiam hna nih zohfelnak an ngeih hnu in an hmuh chuahmi a si i, tlangval nih an thlah kho bak lo mi nungak nun can ziaza kan van langhter lai. Mah ca hi a dongh tiang rak rel ve hrimhrim, pa nih zei bantuk Nu dah an philh kho hna lo timi na hngalh lai. Pa a lawmhter kho tu, pa nih philh kho lo mi nu an um.
Mah ca na rel tikah tampi hlawknak na hmuh lai tiah ruahchannak kanngei. Nang teh pa thinlung a lak kho tu le philh kho lo mi nu na si ve maw? Rak zoh ve! Hi Vawlei cungah hin Pa hna nih zeitikhmanh ah an philh kho ti lo mi nu hi an um hrimhrim ko. Cu bantuk nu hna ziaza cu a tanglei bantuk hin an si hna.
1. Fim le thiltheih hi a biapi taktak mi a si. Pa nih an nupi maw? an dl le maw? An fim i, theihnak leiah an hna var cun pa caah cun lawmhnak le mithmaipanhnak taktak a si. Cun, mi nakin a lawm khun mi bantukin kan i ruah.
2. Zeizong kipah a kan panhtu nu hi pa caah cun an sunglawi khun, kan dl le nupi le hna nih thil kan tuahmi kipah an lawmhpi tu cu pa caah cun philh awk a tha lo mi an si.
3. Pa nih thil kan tuahsual tik le palh caan ah pa nih kan philh kho lo phun nu cu, kan palhnak le tuahsual mi ah khan a kan hnemhtu nu le a tha bik mi na si tiah thazaang a kan petu nu hi philhawk a tha lo mi an si. Harsatnak le lungdonghnak ton caan zongah ruahnak siseh, thazaang siseh, a tha bikin lam tha a kan hmuhsak khotu nu hi philh kho phun an si lo.
4. Thil a theihmi le a tuahdingmi ah pa a kan chimh i, pa nih kan tuah dingmi kan i tinhmi phak kho nak dingah a theihhngalhnak le a thiamnak vialte chuah in ruahnak pek in dirkhamhtu nu hi pa caah cun an sunglawi khun.
5. Thil pakhatkhat tuah (hmun pakhat khat ah chuak a timh tiakah) a timh tik le lengchuak a timh tikah thianghlim tein a ttamhmoih tikah dawhte in tamhthiam takmi hi pa thinlung an lak kho biknak lam pakhat um chun a si. Cun a pasal/tlangval bawmhchan kha biapi ah a chiah i, ka hmuh than lai timi ruahnak um lo in a bawm peng kho tu nu hi pa caah an sunglawi taktak.
6. Minung cu mi zeihmanh a sik ballo an um lo nain i sik caan ah a pasal or tlangval an thinhung an theih tikah holh loin dai tein a sum kho mi nu hi pa caah cun philh a har khun mi nu an si. Pa an thinhang cang ti natheih ahcun dai tein um ko! Pa hi nu nih bia in an kan tei deuh tikah kut a zuang kho tawn i, na pasal/dl a thinhang cang ti natheih ahcun ngol tak law, kal tak ko! Kha bantuk nu zia kha pa nih an upat i, an dawt khun hna.
A danghnak ah nu cu pasal nan ngei hnu ahcun na nu le pa inn bantukin na duh ning in na thu dir kho lo caah na dl/pasal hen bia nan i el tikah a thinhang ti na theih ahcun dai tein um ziar law, a thinlung in an philh kho ti lai lo. A cunglei ah kan langhter mi hi mifim hna nih an dothlat hnu ah an chim mi a si i, kan langhter mi nu ziaza hna hi pa nih an philh kho lo mi cu an si hna. Kan peh than te lai.
Be First to Comment