Țaningtharyi Peng Ni 3 Chung Kahdohnak Ah SAC Ralkap 30 An Thi, PDF 3 An Nunnak Liam, Țaningtharyi ramțhen, Țaningtharyi peng ni thum chung kahdohnak ah SAC ralkap 30 an thi tiah Myait tualchung hriamtlai pahkahphah in tuanvo ngeitu pakhat nih a chim.
January 23, zinglei suimilam 4:00 hrawng ah Myait in Țaningtharyi lei a kalmi SAC ralkap motor cu tualchung hriamtlai phu nih bomb an puahhnawh hna caah an motor pakhat a rawk, January 24, ah SAC ralkap le tualchung hriamtlai phufonh kar kahdohnak a chuak țhan i.
Țaningtharyi hleidong palik gate le lahwahkah zung cu Myait pengkomh battalion 2 tatkhuai 2, Myait pahkahphah, Țaningtharyi pakahphah le King Bar Force phufonh nih drone in an kah than hna. January 25 ah kap hnih kar kahdohnak a chuak than, cu kahdohnak ah cun tualchung hriamtlai phufonh in ralkap 3 nunnak a liam tiah theih a si. The Chin Post
2023 Ah Paucan Dohthlennak Dawnkhantu Hna Part (1) 2023 kum ah Ralhrang MAH le Soe Win Te nih hohak mi Ralhrang Rallokap Fascist uknak kum 2 a si cang. Rallokap nih Mipi cozah kutin uknak hramhram in an chutnak kum 2 a si cang.
A har bik mi hremhnak le thahnawnnak in mipi an kan uk nak kum 2 bak asi ve cang. Ralhrang ukpennak dongh ter ve cang awk ah; Ralhrang vialte cihmih awk ah le Federal Democracy ram dirh awk ah Mipi I Paucan Dohthlennak zong kum 2 bak an tlin ve cang ko.
2023 kum cu miphun le ram damnak phawrh tu thlennak kum tiah mipi nih kan ti bantukin, Ralhrang MAH te nih anmah pennak hmun zungzal nak caah a hramthawk kum tiah an ti ve. Mipi nih kan tawn ding mi harsatnak le Dawnkhantu thil tampi lakah, kan hngalh tawk te tlawmpal in i hrawm tuah usih.
Lakhruak Uknak Caan A Dih Cang: MAH nih Uknak kan chut hna lo, uknak kan khumzual chung mi tu asi tiah, 2008 phunghrampi pohma 417 cu tanbo ah a hman. Tamada U Win Myint cu 2021 February 1 ah, zingka te ah an tlaih I, VP1 asimi U Myint Swe nih Tamada a ṭuan cang tiah mipi cu MAH nih an kan hlen.
Zeitintiah Tamada a thih lo (or) a rian in aa din lo ahcun: VP1 nih Tamada ṭuan rai asi lo tiah 2008 phunghrampi ah aum. VP nih Uknak cu Ralbawizik sin ah a pek khawh timi 2008 phunghrampi ah aum lo. MAH U Myint Swe cu Lakhruak Tamada tiah min a pek.
U Myint Swe nih Kaalung meeting a kawh, Pohma 417 ningin Lakhruak can cu a thanh, Pohma 418 ning in Ralbawizik MAH sinah uknak cu ka pek tiah U Myint Swe nih a ti. Lakhruak uknak can cu Pohma 417 ningin kum 1 asi. Lakhruak ukcan cu Pohma 425 ning in Kaalung nih thla 6 in voi hnih chap khawh asi.
2008 Phunghrampi ningin Rallokap Bawizik nih Rampi uk khawh can cu Kum 2 asi. 2023 February 1 ah a dih lai I MAH nih Kaalung kut ah uknak cu a chanh te lai. Kaalung nih Lakhruak uknak can cu MAH sin in an lak ṭhan lai I Pohma 429 ningin thla 6 chungah thimhnak an tuah te lai.
CSO le NGO tlaihkhih nak Upadi an tuah colh. Rallokap duh ning le phunglam zulh in, Legalization asilomi cu CSOs le NGO tuah khawh asilo tiah Bu dirhnak Upadi thar an siam.
Ralhrang SAC theih pi nak in tuah mi CSO le NGO nih Social le Health lawng hi ṭuannak nawl an pek hna. Ralhrang SAC nih chakhri tlaih mi CSO lawng a um lai.
Lakhruak ukcan cu kan lak ṭhan cang, a dih cang tiah Rallokap nih an thanh nain, mipi hremhnak Upadi tu an tuah lehlam.
Dai tein duhnak langhter khawhnak le zalon tein chimrel khawh nak Upadi kha hrawk an duh caah “ငြိမ်း၊ စု၊ စီ” timi Upadi thar cu Ralhrang Rallokap nih an chuah. An duh can poah ah Mipi inn cu zalon tein lutchuak khawhnak le checkhlai khawh dingah “ဧည့်စာရင်းစစ်ခွင့်” Khua cazin check nak Upadi kha, biatak tein an nun ter.
Mipi an kan hremh mi le tlaihkhihnak a zawr hlei lailo, Khuapi le innlo meiduah mi zong an ngawl hlei lailo, Mipi chawhlawn le thilri zong an fir ko rih lai, Damiah le fir an tam tuk nak zong an tlaih hlei hna lailo. A zual chin lai. Credit; Joseph R Thang
Be First to Comment