Press "Enter" to skip to content

Pasaltha Nih A Nunnak A Pek , Ralhrang lei (30) leng An Thi Ve

Atu hmanthlak kan tarlangh mi hi nihin Loikaw raldohnak ah a nunnak a liam mi pasaltha a si. A mah le a hawile (4) nih nihin raldohnak ah ram le miphun caah an nunnak an pek hi asi.

Nizaan Loikaw Township, Kungthar pawng raldohnak ah SAC ralhrang lei minung 30 an thih lawng si loin a dang 30 leng zong faak tuk in hliam an tuar tiah tiah KNDF nih cathanh an chuah mi ah a langhter.

Nizaan September 29, 2021 chun suimilam 12:00 hrawng in kahnak aa thok hi a si. KNDF le Mobye PDF i bawm in ralhrang an kah hna. Ralhrang lei nih thazaang tamtuk an chap lawng si loin Bomb le Miakpi ti bantuk rampi thawhnak ah hman mi hriamnam phuntling an hman ti a si.

SAC ralhrang lei a thi mi hi a tlawmbik ah (30) an si lai, cu pin ah a dang (30) leng nih hliamhma fak an tuar ti asi. “Nizaan raldohnak ah PDF lei in minung(4) le KNDF lei in minung pakhat, an dihlak in pasaltha (5) nih raldohnak ah an nunnak an pek ve” ti a si.

Nizaan kahnak ah faaktuk in ralhrang lei an sungh caah atu zong pehtlai tein Bomb le Miakpi an kah cuahmah i Loikaw khuapi le a pawngkam cu inn a kaang mi zong a um len ti asi.

Be First to Comment

Leave a Reply

Your email address will not be published.