Press "Enter" to skip to content

Pathian nih:Trump bawm tu thar a pek cang.

US Election Thawngpang Thar Bik: Nevada state court Judge nih cun Republican hna nih vote an fir bak ko timi kong ah lawsuit an file mi cu December ni 3 ah khin an bia a ngeih (Hearing) piak hna lai.

Zeitin dah Democratic pawl nih i thimnak ah khan mi an rak hlen timi a theitu le a hmu tu hna bia phuan mi cu America ram mipi hna nih an hmuh khawh lai.

Mah hearing ah hin Ballot paper ser chawm mi an rak thlak ning te hna cu a fiang lai. Fihnung taktak in Democratics pawl nih Joe Biden teinak hmuh ter an i timh ning cu phuan dih asi lai.

November ni 3 vote thlak khawh caan tiang i vote rel mi ah khan cun Republican Presidential Candidate Donald Trump nih Democratic Presidential Candidate Joe Biden cu a tei viar. Mah ruangah mi tampi nih cun Trump nih teinak a hmuh tiah an rak aupi.

Joe Biden a sung ko ne lai hi tiah an ti i, Office an khar dih i, aho hmanh um ter an siang lo. A thaizing i rian an van tuan than ah cun khuaruah har ngai in khuazei ka indah a rat ti theih lo mi Joe Biden vote tamlak te cu a rak um.

Tha tein vote an thlak mi ah khan cun Republican Presidential Candidate Donald Trump nih Democratic Presidential Candidate Joe Biden cu a tei. Natein Ballot paper ser chawm mi le mithi min in vote thlak mi tamlak te ruangah Joe Biden nih teinak a hmuh diam.

Thawngpang dang zong hi relchap ko ri:

Trump (Republican) lei ca thawngpang tha: Republican lei nih California ah house thutdan (4) an laak cang lai. Republican nih senate thutnak (50) an hmuh cang.Golden Blue (Democrat) State an timi California ah Republican lei minung (4) nih teinak an hmuh lai.

Hihi David Valadao (Republican) nih tuzarh Ningani ah California 21nk District thutnak ah kan hnu kum hnih ah amah a rak teitu Democrat US Rep. TJ Cox kha a teinak kong a chimphuanmi in kan hngalh.Cox cu a lung a tlinglo i mee vialte an rel dih hnu lawngah thawng ka thanh te lai tiah a facebook ah a taar.

Trump an rak duh lo tuk ruangah 2018 ah California ah Democrat pawl nih House thutdan (7) an rak chuh hna. Sihmanhsehlaw atu ahcun Republican lei nih thutdan (4) an chuh khawh than cang hna.Republican lei Young Kim timi zong nih California 39nk District thutdan kha atu ah a tthu liomi US Rep. Gil Cisneros (Democrat) sin in a chuh khawh ve.

Orange County zong ah Michele Steel (Republican) nih California 48nk District thutdan kha Democrat US Rep. Harley Rouda don sin in a chuh khawh.Golden Blue (Democrat) state timi California hi Democrat lei deuh lawng mee a thlami an si ko nain zeiruang ah dah atu tan ah hin Republican (GOP) nih hi zat remruam thutnak an chuh khawh than hna hnga’A ruang bik cu, “Democrat pawl cu an biakammi an tuah bal lo caah a si,” tiah California Republican Chairwoman Jessica Millan Patterson nih Fox News ah a chim.

Atu tiang ah House ah Democrat pawl an tam deuh rih ko nain 2022 ah cun House ah Republican lei tam deuh dawh an si cang.Zeicahtiah 2020 July 18 tiang ah cun Democrat lei nih house ah thutdan (232) an co nain atu ah cun (222) lawng an co. Thutdan (10) an sung cang.

Cun senate ah hin Republican lei nih thutdan (50) an hmuh cang i Democrat lei nih thutdan (46) an hmuh. Thutdan (2) tu cu independent minung pahnih nih an hmuh.Atu ahcun senate ah thutdan (2) te lawng a taang cang. Cucu Georgia state nih January ah bia a khiah te lai. Cucaah Trump zong cu a taangmi thutdan pahnih ca ah mi va lemsoi ding in December zarh khatnak Georgia ah kal aa tiim.Rev. Biak Lian Vel

Be First to Comment

Leave a Reply

Your email address will not be published. Required fields are marked *