Press "Enter" to skip to content

PDF Hna Nih Uico Ralhrang Tam Taktak An Thah Hna Lengah Hliam Tuar An Khat

Myitchian khuapawng ah December 13 , nizaan zinglei suimilam 8:00 hrawngah ralhrang phu motor 2 cu bomb puahhnawh in doh an ton caah ralhrang minung 7 an thi i minung 10 nih hliamhma an tuar tiah Myitchay (မြစ်ခြေ)- Gyunchawng(ကျွန်းချောင်း) mipi vengtu phu (MC-KC PDF) sin in theih a si.

Magway ramthen, Pakokko peng, Myitchay (မြစ်ခြေ) khua Gyunchawng (ကျွန်းချောင်း)- Seaitphyu(ဆိပ်ဖြူ) motor lampi in a tummi ralhrang minung thazaang 30 leng nih zulhmi ralhrang motor 2 cu Daehpia(ဒဲ့ပြား)khua chaklei meng 2 hrawng hlatnak in bomb lung 9 puahhnawh in doh an si tiah MC-KC PDF in rianngei G-3 nih a chim.

” Ralhrang motor chung ah minung 7 an thi, hliamhma fak in atuarmi minung 10 an si, cu motor chungah cun pengkulh uktu zong a tel, zinglei suimilam 8:00 in doh an si” tiah a chim chap. Cu kahdohnak ah cun MC-KC PDF le Pakokku People Defense Force – PPDF hna phufonh nih an dohmi hna a si , PDF lei hliamtuar um lo in hnu an tolh kho than tiah MC-KC PDF nih cathanh an chuah. Ref. The Chin Post

Zaankhat cu ruah fak ngai in a sur lioah Philadelphia i Hotel pakhat ah nupa hna cu an lut. Hotel hngaktu cu “Khaan pakhat in kan ngah hnga maw” tiah an hal i Hotel hngaktu nih cun “Khaan an khat dih cang, a lawngmi a um ti lo” tiah a leh hna. Nupa hna cu vansang ngai khin an um. Cuti i awlokchawng le vansang in an um cu khatlei ah a ṭhumi Hotel cazi pa nih a rak ngiat ziar ko hna. Cazi pa nih cun “Tuzan caah khaan nan ngah ti lo a si ahcun ka khaan chungah riak ko uh, ka khaan hi Hotel nih an ka pekmi a si, a ṭha pi cu a si lo” tiah a ti hna.

Nupa hna cu kalnak ding an theih ti lo caah cazi pa khaan ah cun an riak. Cazi pa tu cu a rianṭuannak hmun ah a it. A thaizing ah nupa hna nih cun cazi pa sinah lunglawmhnak bia an chim i khaan man pek an timh. Cazi pa nih cun “Hotel khaan a si lo pi, keimah khaan pei a si ko cu, tangka lak ding zong a phu lo” a ti hna i a cohlang hna lo. Asinain nupa hna nih cun an i lawmhnak langhter nak a si ko tiin khaan man cu an pek chih.

Cutikah cazi pa nih “Cuti a si ah cun tangka cu kan cohlan ko hna lai, asinain Hotel nih siantawk sanhnak dingah an chiahmi kuang chungah ka sanh lai” tiah a ti i an hmuh hngan te ah khaan man an pekmi cu kuang chungah a sanh. Nupa hna nih cun “Na cungah kan i lawm tuk, Hotel pakhat kan sak lai i manager zong nangmah nih na ṭuan lai” an ti i an kal.

Kum hnih a rauh hnuah cazi pa sinah cabawm pakhat a phan. Cabawm chungah cun New York khuapi kalnak ding valawng ticket pakhat le Hotel pakhat ah nangmah nih manager na ṭuan lai, timi theihternak ca a um. Ca a kuatu cu midang si loin a rak bawmh balmi William Waldorf-Aster timi mirum taktak a si. Waldorf-Aster nih cun cazi pa caah Hotel pakhat a sakpiak. Cu Hotel cu Waldorf–Astoria tiah min an sak. Cazi pa min cu George Charles Boldt a si. Charles Boldt cu rianṭuan a fel i ṭhithruai a thiam tuk ruangah a ṭuannak Hotel cu New York khuapi ah a ṭha bik, a nuam bik le man fak bik Hotel ah a cang.

Zeidah a kan cawnpiak: Midang zawnruahnak hi a lak a si bal lo, a theipar a um zungzal. Cucaah na hmaiah bawmh a herhmi an um tikah a thei lo bantuk tein i umter hlah, i lanhter hlah. Na tlinh tawk tein bawmh khawh i zuam peng. Midang cung i zawnruahnak na ngeihmi kha pakpalawng a si hrimhrim lai lo. By. Salai CP Lian (CEO of The Chin Post)

Be First to Comment

Leave a Reply

Your email address will not be published.