PDF Kalay Batalian 5 in Comandar

PDF Kalay Comandar Pakhat Tlaih A Tong. Sagaing ramthen, Kalaymyo an inn ah chikhat a rak tlung ta mi PDF Kalay Batalian 5 in Comandar pakhat cu ralhrang nih luhhnawh in an tlaih.

An inn ah chikhat a rak rat lio ah an tlaihnak a ruang cu mirawitu(Dalaan) nih thawng an pek hna ruang ah a si tiah an langhter. U Soe Ye Zet an inn ah hringtu apa a zeng mi (Lephiat) mi zong ralhrang nih kut an thlak an velh tiah theih a si.

Credit; The Independent Post

Tapik Gin, Natt Moh Le Ayardaw Hna Ah Kahdohnak A Chuak; Mandalay ramṭhen, Tapik Gin (သပိတ်ကျင်း) peng ah nizan February 2 zanlei Sml 2:00 hrawng ah ralhrang reng sang cheukhat an i telnak motor run cu bomb puah an tong. Bomb thianh ding in a ra mi ralhrang hna zong bomb puah an tong chap.

Ralhrang 10 nak tam nih hliam an tuar tiah, Thabeikkyin Revolution (TR) in tuanvo ngeitu pakhat sin in theih a si. A voikhatnak bomb puahnak ah a um mi palik uk bawi pakhat cu hliam faak a tuar. A voihnihnak bomb puahnak ah a um mi ralhrang 10 nak tam hliam an tuar, tiah theih a si. “Palik uk bawi pakhat cu Kyua Inn (ကြာအင်း) sii-inn ah a um. A thih le thih lo kan thei kho rih lo. Bomb puahnak ah ralhrang 10 nak tlawm lo hliam an tuar i ke kiak mi le a kut kiak mi hna zong an um.

Fiang in cun kan thei kho dih lo tiah Thabeikyin Revolution (TR) in ṭuanvo ngeitu pakhat nih a chim. Cu bantukin Magwe ramṭhen, NattMoh ( နတ်‌ေမာက်) peng Phat Taw( ဖက်တော ) pawng um Chin ram lam a pehnak pawng ah nizan February 2 ah cycle aa cit mi ralhrang 2 cu bomb puah an tong i an thi, tiah mizapi vengtu ralkap phu hna sin in theih a si. Cycle aa cit mi ralhrang phu 2 chung in 1 cu a hmun ah a thi colh i pakhat nih cun a kan kah ve caah kahdohnak a chuak.

Kahdoh bawm ding in ralhrang 10 hrawng an rak phan i, ralhrang 2 a thi mi hna meithal laak manh lo in hnu kan tolh, tiah an chim. Sagaing ramṭhen, Ayardaw(အရာတော်) peng, Ngwe Twin (‌ေငွတွင်း) khua um ralhrang sakhan cu mizapi vengtu ralkap phu hna nih nizian February 2 ni ah an kah hna caah ralhrang 4, Phyo Saw Htee 2 an thi tiah cu mizapi vengtu ralkap phu hna nih an chim.

Cu kahdohnak cu mizapi vegtu ralkap phu hna a si mi 27 Revolution Forse, Natogvi Regional PDF, TTA, Myaung Special People’s Defend Force (MSPDF ), Urban Underground Revolution Force hna i bawm in an tuah mi a si, tiah theih a si. Khit Thit Media