Press "Enter" to skip to content

PDF Le Monywa UG Group Hna Nih SAC Ralhrang An Phomh Hna

December 4, 2021, Sagain ramthen, Yinmapin district, Salin Gyi Myone ah ralbawi pakhat le Salin Gyi myone palik sakhan hmun i um motor cu bomb in an rak puah i ralbawi le palik sakhan hmu an thi tiah Monywa UG Group nih a chim.

Mah motor bomb an puahmi i private motor a si i, mah motor cu Salin Gyi lampi cungah Monywa UG Group le an tuanti PDF hna nih an rak chiah cia mi bomb hna umnak a phak bakah mah bantukin a puak hi a si tiah Monywa UG Group i tuanvo ngeitu pakhat nih RNA sinah a chim.

“Kannih lei nih remtuk in kan rak bawh cia hna i, kan i tinhmi bantukin tlamtling caah bomb in kan puah khawh hna hi a si, SAC ralhrang lei in ralbawi range sang takmi pakhat le palik sakhan hmu 1 an thi, ralkap pakhat zong fak ngaiin hliamhma a tuar tin kan theih” tin Monywa UG Group i tuanvo ngei pakhat nih a chim.

Mah thil a cang hnuah SAC ralhrang hna cu an thin hang tuk i, lamkam i dawr pakhat cu mei in an khangh dih i, mah lawng si loin lam a zawhmi pakhat zong an kah thah tiah thawng theih a si.

Be First to Comment

Leave a Reply

Your email address will not be published.