Press "Enter" to skip to content

PDF Le SAC Ralhrang Kar Kahdohnak Ah SAC 4 An Thi

Nihin November 20. 2021 zaanlei suimilam 3 ah ralhrang le Phiosawthi hna cu Taze peng PDF, Local PDF hna he i kahnak achuak. Zaanlei suimilam 3:30PM ah Taze palek riahbuk im bawmchan tu ara mi cu Taze le Ngatankyiar khua kar ah bomb in an puah hna.

 

Mawtaw cung thumi ralhrang 6 chung in 2 mawtaw cung in an tum in an kan kah, adang 4 cu an thi , an mawtaw zong pehzulh in an khal kho ti lo tiah Taze PDF nih an thanh. Crd; The Federal Times

Relchap; Falam peng ah suanak phunkip tuah in a vakmi Cung Ro Sum cu a umnak khuami hna nawlnak bantukin CNDF nih Nov 8 ah an tlaih. Anih hi thilthalo a tuah ruangah thong a rak tla i kan hnulei i ralhrangbu nih thongtla an chuah hna lioah ah khan a chuak ve.

Thong a chuah hnu in meithal le nam aa ken i a hlan nakin a sual chinchin. Mithil fir, tlaihhrem, mi tangka chuh ti bantuk a hmang deuhdeuh. Cucaah khuami nih CNDF sinah nawlnak ca an tial i an tlaihnak a si. CNDF nih cun tha tein a kong an hlathlai i an tuaktan hnuah Nov 20, tuni an fimhlawm cang tiah theih a si.

CNDF nih cun hi bantukin mipi caah thatlonak a tuahmi, mipi harnak le buainak a pemi cu a herhning in biaceih lairelnak kan tuah hna lai tiah an thanh fawn. Crd; The Chin Post

Be First to Comment

Leave a Reply

Your email address will not be published.