Press "Enter" to skip to content

PDF Lei In Minung 31 Bak te Nih An Nunnak An Pek Tthan, Ngaih Achia khotuk, Thinlung Nih A celh Lo>>>>>

Kani PDF le Ralhrang I Kahnak Ah Kani PDF 31 An Nunnak Liam,Ralhrang 46 An Thi
=========================================

Kani PDF le Ralhrang I Kahnak Ah Kani PDF 31 An Nunnak Liam,Ralhrang 46 An Thi Kani PDF le rallokap kar i kahnak cu voi 35 a um i PDF lei ah minung 31 an nun nak a liam , rallokap lei minung 46 an thi

A luancia April 11 in August 1 karah Sagaing ramthen Kani peng chung ah PDF (Kani) le rallokap kar i kah nak voi 35 a um i mipi veng tu ralkap (PDF) lei in minung 31 nih ram le miphun caah an nunnak an pek tiah PDF lei in thawng an thanh.

Kahdoh nak ah a nunnak a liam mi mipi vengtu ralkap minung 31 cu upat kan pek hna. An nih cu kan ram pasal tha an su kan ti hna nak kong le PDF nih Democracy kan hmuh than hlan lo , ram a daih hlan lo , kan ngeihmi hriamnam phunkip i put in tihnak um lo le hnu tolh lo tein hi rallokap hi kan doh lai tiah PDF (Kani ) nih an chim.

Rallokap hi Kani peng chung ah April 11 ni ah an lut i August 1 tiang a phu phu in voi 3, pakhat pakhat te in an tlaih hna an thah mi hna hi minung 46 an si nak kong,mah leng ah tlangrai in minung 1 a nunnak liam, tha bat tuknak in thaw phih in a thi mi minung 1,bomb a lamh sual i a thi mi minung 3, an um tiah an langhter.

Mahtluk in mipi an thihnak cu rallokap phu nih hramhram in uknak a lak ruang ah le PDF hna nih kan lungthin nih cun raltha tein kan doh ko hna nain tangka le hriamnam lei in kan chambau tuk caah mipi hna cu a lamkip in kan in kilveng kho hna lo ruang ah mipi nan dihlak in kan ngaithiam u,tiah kan in nawl hna “tiah PDF nih an thanh.

#News Ambassador
Crd: The Chin Post

Be First to Comment

Leave a Reply

Your email address will not be published.