PDF nih ralrin an pek hna hnu in Yesagyo Peng khuabawi dihlak deng nih rian chuahtak

PDF nih ralrin an pek hna hnu in Yesagyo Peng khuabawi dihlak deng nih rian chuahtak
==============================
Magway Ramthen Yesagyo Peng khuabawi dihlak cu nan rian in chuak dih u, tiah PDF nih ralrin an pek hna i October 5 ah an dihlak deng in an chuak. Yesagyo Peng ah hin Khuatekomh 81 le khuapi ah Sang 8 tiin an um i khuabawi 89 chung ah minung 10 tluk lawng rian in a chuak lo mi an si cang, tiah theih a si. Hihi PDF-Yesagyo hna nih September 30 lio ah rian chuahtak ding in ralrin an rak pek hna hi a si, tiah Mizzima nih a tial. Credit : The Hakha Times

thawngpang dang relchap : Mizoram Tuirial Tiva I A Tlami Ruak An Hmuh
===================
A luancia zarh hmasa zarhteni zan i Tuirial tiva ah a paammi Lalramvula, kum 32, N. Serzawl khua cu nizan suimilam 9:05 pm ah khan a ruak an hmuh cang. A ruak hi amah tein a hung laang, tiah an chim.

Nizan ah khan NDRF hna nih cun seh hmangin tichung ah vawi 3 an pil, nain ti a thuk tuk caah oxygen a dih i, a ne tiang an pil kho lo. Ahmun ah hin Calfilh Group YMA hruaitu hna, Darlawn Joint YMA hruaitu hna le N. Serzawl YMA hruaitu hna nih an riah hnawh. Ti hi a ngan deuh ca ah le a thuk tuk fawn ca ah ti chung luh a har, tiah an chim.

Tuirial i a paammi Lalramvula hi nga tlai i aa cawmmi a si. Zarhteni zan ah khan nga tlai ding in aa thawh lio ah ti ah hin a paam, tiah kan theih. By. Tluanga Zathang (TCP’s reporter for Lai Autonomous District Council, Mizoram) Credit : The Chin Post