Press "Enter" to skip to content

PDF-Pale Peng Nih Ralhrang 10 An Thah Hna

Pale peng mipi vengtu ralkap phukomh (PDFs) nih ralhrang phu an doh hna, ralhrang minung 5 an thi tiah cu kahdohnak ah a tel mi mipi ralkap chungtel pakhat nih a chim. Tapaykung(သေျပကုန္း) khua ni tlak lei ah ralhrang phu hna cu nihin November 6 zinglei suimilam 10:30 ah PDFs he kaphnih kar kahdohnak a chuak, ralhrang phu lei in minung 2 an thi tiah Pale PDF-Headquarters sin in theih a si.

Cu ralhrang phu hna cu nizaan November 5 Uhnok(ဦးေႏွာက္) khuapawng chunhnu suimilam 2:00 hrawng ah PDFs he kaphnih kar kahdohnak a chuak. Ralhrang phu lei in minung 3 an thi, minung tampi nih hliamhma an tuar tiah mipi vengtu ralkap phukomh PRA in Bu Japan nih a chim.

Nizaan kahdohnak ah ralhrang phu lei in minung 32 hrawng an si, kaphnihkar kahdohnak ah suimilam 45 hrawng kan rau, ralhrang phu nih hriamngan in an kan kah caah PDFs lei hnu kan tolh tiah a chim chap. ” A donghtiang doh kan timh ko hna na in ralhrang phu lei nih hriamngan in an kan kah tuk caah hnu kan tolh nak a si” tiah a chim.

Ni hnih chung kahdohnak ah ralhrang phu lei in minung 5 an thi, PDFs lei hliamtuar pakhat hmanh um lo in hnu an tolh kho. Cu kahdohnak ah Pale mipi vengtu ralkap, mipi dothleng tu ralkap (PRA), Pale PDF-Headquarters le Gyatitnat(က်ားသစ္နက္) phukomh hna nih ralhrang phu an doh hna tiah theih a si. Crd; TCP, Mizzima

Be First to Comment

Leave a Reply

Your email address will not be published.