Press "Enter" to skip to content

PDF Pasaltha Hna Nih Palik Sakhan An Luhhnawh I, An Laak

Mandalay ramthen Mataya khuapi chungum palek sakhan cu mipi vengtu phu nih luhhnawh in an laak caah an innpi cu mei an khangpiak hna i, an tlaihmi palek chungkhar hna cu an thlah than tiah thawng theih a si.

Nihin kum 2021 Dec 19 zinglei caan ah mipi vengtu phu nih Yungpin palek sakhan cu luhhnawh in an laak hna lioah nawlngeihnak latu SAC ralhrang ralkap kuttang ah riantuantu palek hna nih an nupi le fale vialte cu kaltak in hriamnam laak in inn hnulei in an zaam tiah thawng theih a si.

Yungpin palek sakhan cu mipi vengtu phu hna nih luhhnawh in an kah lioah palek phu nih cun hriamnam hna cu laak in inn hnulei in an zaampi caah an sakhan innpi cu mei an khangpiak hna hnuah tlaih a tongmi palek nupi le fale pawl cu an thlah than tiah theih a si.

Tlaihmi ngakchia le an nupile hna cu kan thlah than hna. Palek pawl cu hriamnam laak in inn hnulei kapin an zaampi hna caah an umnak sakhan innpi cu mei kan khanghpiak hna tiah mipi vengtu phu chungtel pakhat nih TachileikNewsAgency ah a chim.

Cu thil a caan hnu zinglei caan ahcun nawlngeihnak latu SAC ralhrang ralkap rual an rak phanh hna i, pawngkam naihniamnak ah checking an tuah tiah theih a si. Crd; The Federal Times

Be First to Comment

Leave a Reply

Your email address will not be published.