PDF Ralkap Nih Min Aung Hlaing Ralkap Minung (5) An Thah Hna
Lunghring Phur Leilawng Humhimnak A Laakpiaktu SAC Ralkap Le Tualchung Hriamtlai Phu Kar Kahdohnak Ah SAC Ralkap 5 An Thi.
Mandalay ramṭhen, Thabeikkyin peng lunghring phurtu leilawng vengtu SAC ralkap leilawng 2 cu kahdoh an ton caah ralbawi pakhat telh in 5 an thi tiah Bu Lyin Yone phu in ṭuanvo ngeitu pakhat nih a chim.
March ni 30, chun suimilam 11:00AM hrawng ah Tigyaing peng in Mandalay lei ah a kalmi lunghring phur leilawng run 43 caah humhimnak a laakpiaktu SAC ralkap leilawng 2 cu Thabeikkyin peng Kyaukphyu khua le Kyatyoepin khua kar ah tualchung hriamtlai phu nih an kahdoh hna tiah theih a si.
Lunghring phurtu leilawng himnak a laakpiaktu SAC ralkap leilawng cu tualchung hriamtlai phu nih 40mm in an kah hna hnu ah kaphnih kar kahdohnak a chuak. SAC ralkap lei ralbawi pakhat telh in ralkap 5 an thi tiah theih a si.
“Kaphnih kar i kahdohnak chung ah SAC ralkap ralbawi pakhat telh in ralkap 5 an thi, ralkap 4 nih hliamhma fak an tuar pin ah hliamhma a tuarmi ralkap an tam. Kanmah lei in ralkap pakhat nih kuan hliamhma a tuar ve” tiah Bu Lyin Yone phu in ṭuanvo ngeitu pakhat nih a chim.
Kaphnih kar i kahdohnak ah SAC ralkap hna cu By Lyin Yone(Pyin Oo Lwin pengkomh pahkahphah), Nine PDF le Bu Zin Yaw PDF phufonh nih an kahdoh hna tiah theih a si. Crd; The Chin Post
