Press "Enter" to skip to content

PGF Le SAC Ralhrang Kahdohnak Ah Thi Le Hliamtuar An Tam

Magwe ramthen, Pauk peng thlanglei ah December 1 ni ah PGF le ralhrang kar kahdohnak 2 a chuak athi mi le ahliam mi an um tiah Pauk ralkap phu PGF nih an thanh.

Pauk peng thlanglei LatPanHla khua le BoMe khua pawng ZawChuang ah nizan chun ah Pade Thar bomb in an kah hna caah ralhrang 8 an thi i ahliam mi an tam tiah achim.

Mahpinah EihCe khua zong ah nizan zinglei ah bomb voi 1 in an kah i ralhrang athi mi an um kho i fiang tein fehter nak kan tuah kho fih lo i ahliam mi an tam tiah a langhter.

ThetKeGin khua le KyaukOo khua pawng zong ah November 29 ni ah ralhrang bu hna cu PGF nih bomb in an kah hna caah ralhrang 18 an thi tiah theih a si.

Mah i a hliam i a thi mi hna he pehtlai in ralhrang lei in thawngthanh nak an tuah mi a um rih lo. Crd; The Chin Post

Aizawl Municipal Corporation (AMC) lutlai hna le AMC Mayor Lalrinenga Sailo hna nih Nizan November 30 ah khan Mizoram khuachak le tlang um mi ralzam an tlawng hna.

Aizawl Mayor Lalrinenga nih cun, “Kan unau ralzaam hna hi bawmh a herh hringhran bantuk in, Biaknak bu le Mizo bu hna zong nih an bawmh pah cang hna. Mizofa Jerusalem, Aizawl Khuapi zohkhenhtu (AMC Member) hna nih an umnak hmun i va len le bawmhnak tlawmpal ve pek hna hi kan rian hrimhrim ah kan ruah,” tiah a chim.

AMC lutlai hna nih hin khua panga – Zawlsei, Khawbung, Thekte, Vaphai le Farkawn i ralzaam hna tlawn an i tim. Nizan ah an pal dih hmanh lo caah nihin ah an peh rih lai, an tlawn pah ah hin bawmhnak:- blanket, solar light le eiding tlawmpal an pek pah hna.

Nizan November 30, ah khan Lawngtlai District Chawnhu khua ah cun ralzaam a rak lut thar mi hna donnak le lawmhnak pinah thutto umtuning chimhnak caan an ngei.

Ralzaam in a rak lut mi hna cu khuatlang le ram ca ah mitha si ding in an sawm hna. Khuatlang ah harnak le buainak tuah lo ding in an chimh hna i, YLA le VC nawl ngai ding in an chimh fawn hna.

Harnak an ton ahcun i phuhrung lo tein khuatlang hruaitu chim ding an sawm fawn hna. Sinain, khuatlang ca ah harnak le buainak an tuah sual ahcun an khua in an chuah hna naklai kong, an chimh fawn hna. TCP

Be First to Comment

Leave a Reply

Your email address will not be published.